چودھری خوش اختر سبحانی

چودھری خوش اختر سبحانی
معلومات شخصیت
جماعت	پاکستان مسلم لیگ (ن)
مناصب
رکن پنجاب صوبائی اسمبلی
رکن سنہ 15 اگست 2018
حلقہ انتخاب	پی پی-38
پارلیمانی مدت	17 ویں صوبائی اسمبلی پنجاب
عملی زندگی
پیشہ	سیاست دان

چوہدری خوش اختر سبحانی ہک پاکستانی سیاست دان ہن جیہرے اگست 2018 توں 31 مئی 2021 تک پنجاب دی صوبائی اسمبلی دے رکن رہے۔ انہاں دے ابا سئیں چوہدری اختر علی وریو، سیالکوٹ دے ہک ممتاز سیاست دان تے زمیندار ہن جیہڑے کئی وار پنجاب دے صوبائی وزیر، ایم پی اے تے پاکستان دی قومی اسمبلی دے رکن رہے۔

سیاسی کیریئر

چوہدری خوش اختر سبحانی 1990 دے پاکستان دے عام انتخابات وچ پی پی 104 سیالکوٹ توں آئی جے آئی دے امیدوار دے طور تے پنجاب دی صوبائی اسمبلی دے کیتے منتخب تھئے تے انہاں کوں اسٹینڈنگ کمیٹی برائے خوراک دا چیئرمین بݨایا ڳیا۔ انہاں نے 42,960 ووٹ ڳھدے تے پی ڈی اے دے امیدوار ادریس باجوہ کوں شکست ݙتی۔ اوہ 1993 دے پاکستان دے عام انتخابات وچ پاکستان مسلم لیگ جے دے امیدوار دے طور تے پنجاب دی صوبائی اسمبلی دے کیتے ولامنتخب تھئے تے پاپولیشن ویلفیئر تے جیل خانہ جات، ہاؤسنگ تے فزیکل پلاننگ تے ماحولیاتی منصوبہ بندی دے وزیر بݨیے۔ انہاں نے 39,579 ووٹ حاصل کیتے تے مسلم لیگ ن دے امیدوار محمد اسلم چوہدری کوں شکست ݙتی۔ وزیر اعلیٰ منظور وٹو دے ہٹائے ونڄݨ دے بعد ایں مدت دے دوران، پی ایم ایل جے نے سبحانی کوں پنجاب وچ اعلیٰ عہدے دے کیتے نامزد کیتا، لیکن انہاں دے کاغذات نامزدگی مسترد کر ݙتے ڳئے کیوں جو اوہ کم از کم عمر دی حد پوری نہ کریندے ہن۔ بدلے وچ سردار عارف نکئی کوں نامزد کرکے وزیر اعلیٰٰ پنجاب بݨایا ڳیا۔ اوہ 2002 دے عام انتخابات وچ پی ایم ایل ق دے امیدوار دے طور تے حلقہ پی پی 125 (سیالکوٹ V) توں ولا پنجاب دی صوبائی اسمبلی دے کیتے منتخب تھئے، انہاں نے پیپلز پارٹی دے امیدوار طاہر محمود ہنڈلی کوں شکست ݙتی۔ انہاں نے 2008 دے عام انتخابات وچ پنجاب دی صوبائی اسمبلی دی نشست پی پی 125 توں انتخاب لڑیا لیکن پیپلز پارٹی دے امیدوار چوہدری طاہر محمود ہنڈلی توں اوہ نشست ہار ڳئے۔ اوہ 2018 دے پاکستانی عام انتخابات وچ حلقہ پی پی-38 (سیالکوٹ-IV) توں پاکستان مسلم لیگ (ن) دے امیدوار دے طور تے چوتھی واریپنجاب دی صوبائی اسمبلی دے کیتے منتخب تھئے۔ انہاں نے 2018 دے عام انتخابات وچ 57,636 ووٹ حاصل کیتے ہن۔

وفات

چوہدری خوش اختر سبحانی دا انتقال اتوار 30 مئی 2021 کوں تھیا۔ اوہ جگر دے عارضے وچ مبتلا ہن تے لاہور دے ہک اسپتال وچ داخل ہن۔