چندر دے حلقے
تحریر. ارشد لاشاری
گزشتہ کچھ ݙینھ تو چندر دے حلقیاں بارے ایجھی تصویراں سوشل میڈیا تے گردش وچ ھن، تے ایندے نال کئی کئی اقسام دی توہمات، ٹوݨے، خوف تےافواہ جہی خرافات جوڑیاں ویندیاں پن، کوئی اینکوں کرونا وائرس نال جوڑن دی کوشت کریندن، اور کجھ کمزور عقائد دے یار لوک تاں فوراً اپݨے عقائد کو سچا ثابت کرݨ سانگے اینکوں اپݨے دین مزہب نال کوڑا سچا رلا خود کو وݙا دین دا خدمتگار سمنجھدن،
خدارا ایجھی افواہیں دا حصہ نہ بڑو،
ایندی حقیقت اے ھے جو اینکوں چندر دے حلقے یا دائرے آکھیا ویندے، تے اللہ سئیں دی قدرت نال چندر دے ٻاہروں گول دائرے دی شکل وچ ہوندی ھے جہیڑی فضا وچ کروڑاں برف دے کرسٹل یا ول پاݨی دے نکے نکے قطرے نال رل تے سجھ دی روشنی دی ٹکر نال پیدا تھیوݨ آلی قوس قزا ھوندی ھے چندر دے ایجھے دائرے ٹھنڈے ملخاں وچ عام نظردن تے گرم ملخاں وچ موسم دی مناسبت نال کݙی کݙی نظر آندن،
پر آجکل پاکستان دے موسمی سسٹم وچ کچھ بگاڑ ھے ایں سانگے تقریباً ہر شھار دا انج انج موسم نظر آندے، تے ایں کاݨ اے دائرے نظرآوݨ دا سلسلہ الگ الگ شھاریں وچ مخلتف اوقات وچ جاری ھے،،
پر ایندا تعلق موجودہ کرونا وائرس وباء یا کہیں عقائد دی کوڑ سچ نال کوئی تعلق کینھی اے دائرے لکھاں کروڑاں سال تو مخصوص موسم نال بنڑدے راہندن