چاچے دا ݙاند مر پیا

چاچے اللہ وسائے دی تکڑی جوگ ہئی ݙاند بیماری تھیا تے ݙوجھے ݙینھ مر پیا، چھری وی نہ پھر سڳی، چاچا اتنا رووے جیویں  بندہ مر پیا ہووے، چاچا چو چو تے پرے ونڄ پووے، تے زمین تے لیٹڑیاں  مارݨ پئے ونڄے، وستی ساری کٹھی تھی ڳی، ݙاݙے چھلو آکھیا اینکوں  پکڑ تے ݙاند دے ہاں  تے لٹائو تے ݙانددے دھڑ تے لیٹڑیاں  مروائو، اینکوں  گھنٹے کھن دے بعد صبر آیا۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان