چاچڑاں دریا دا پُل

اَڄ چاچڑیں توں کوٹ مٹھݨ آوݨ سانگے سندھ دریا تے پُل بݨ ڳے۔ ایہو پُل پنجاہ سال پہلے تاں بݨ سڳدا ہا ، جھاڳے جھاڳدے آیوں دریا آلا جہاز تاں جھکے پاݨی تئیں اَمدا ،اڳوں کپڑے سر تے ڄل میݙا یار۔ اساں پار اُروار دے جھاڳے جھاڳدے تھک ڳیوں ۔ لاہور آلئیں دی مخالفت سمجھ اَمدی ہئی ، اِتھوں دے گودے وی مخالف ہَن اُنہاندی مخالفت ابوجہل آلی ہئی ۔ ایہے وݙیرے ہر چنگے کم دی مخالفت کریندے اَمدن ۔ تعلیمی اداریں دی مخالفت تھیندی اے ، اساںمیانوالی شیخاں ہاسے تے ہائی سکول میاں صاحب دی مدد نال بݨوا ڳیوسے ۔ سرداریں تے مخدومیں آلے پاسے ہووں ہا تاں نہ بݨوا سڳوں ہا ۔ پر حکومت وی اساݙی خیر خواہ کائنا ہئی جیکر او چاہے ہا تاں نشتر گھاٹ کہیں دا پیو نہ روک سڳدا ہا ، سندھیں سر پیر دا زور لاتا جو پنو عاقل چھاوݨی نہ بݨائو ۔ بہاری نہ آوݨ ݙیو ، پنو عاقل چھاوݨی وی بݨ ڳی تے کراچی بہاریں نال بھریا پے۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان