چاچا عبداللہ

چاچا عبداللہ ݙاڈھا سیاݨا تے دانا بندہ ہا ، رڑھ واہی کریندا ہا ، ہٹی وی چلیندا ہا ، ݙاݙے عمر وݙے نال بھیئولپا ہس ۔ ݙاڈھا کوڑیل تے سخت مزاج ہا ، کوئی نینگر سروں  ننگا آوے ہا تاں  دڑکے ݙیندا ہا ، ٻڈھیپے ءِچ ساوی پیندا ہا ۔ ثقافت نال ݙاڈھا پیار ہس ، جھمر ݙاڈھی سوہݨی کھیݙدا ہا ، چاچے فیضو زہری نال ݙاڈھی یاری ہس ، چاچا فیضو ہر شادی تے اَمدا ہا تے کئی کئی راتیں  جھمر دی راند رسیندے ہن ، چاچا فیضو سر تے دِلا رکھ تے جھمر کھیݙدا ہا ، اساں  حریان تھی تے ݙیکھدے ہاسے ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان