ڄبھ مروڑے
ڄبھ مروڑے، ڄبھ تلکوڑے (Tongue Twister) او الفاظ ہوندے ہن، جہڑے تکھے تکھے الاوݨ نال زبان تلک ویندی ہے۔ تے الفاظ گݙِ مݙِ تھی ویندے ہن۔
- چِھیں 6 تَرَنگَڑ ٻارھاں 12 کِھتّیاں، میں 12لِنگِیں
ـ ڳِـݨاں بہشت بھانگا جِـݨاں
- دِرکھاݨ دی دِرکھـݨَکی،دِرکھـݨَکا کُہاڑا
- اُݙ چِـڑا، چُڳ چِـڑا، چَھڄلے دی چُنڈ تے
- اَمّـاں دی سَڄی کَھٻی چِیچی تے لال بُھڳـڑ ٻیر
- اَمّـاں دی سَڄی کَھٻی چِیچی تے طوطا ٻولے
- کُٻے کنڈے تے کُپی ٹنگاں، ٹیں وے کُٻا کنڈا
- کُتا ٻدھ تے گھٹا کھان٘واں، گھٹا ٻدھ تے گھٹا کھان٘واں
- بدرالدین دی گدری بربری کوں گدرا بربرا ڄایا، سچ وے بدرالدین آ تیݙی گدری بربری دا گدرا بربرا ڄمیے؟
- چُوہے دی مَیں کُھݙ کَھٹاں، چُوہا
میکُوں وار ݙیوے
- ݙِتّے دی منگیندی، تَوا نئیں چَڑھیندی
تَوا کَھڑے تَپدا، ݙِتا کَھڑۓ نَچدا
- گرمی گرمی، سردی سردی
- کچا پاپڑ پکا پاپڑ
- ݙاݙا چھتہ چھوݙا تچھ ݙے
- نم ہیٹھ نعیم نماز پڑھی
- نم ہیٹھ نظام نماز پڑھی