ڄاٹ

اسواپتی دے بعد پنجند دی وادی وِچ مید اَتے ڄاٹ ناں دیاں ݙُو قوماں دا ذِکر مِلدا ہِے۔ اِیہ ݙُون٘ہائیں قوماں ݙاڈھی شِین٘ہ اَتے لڑاکا ہَن۔ اَتے دریائے سندھ دے مَݨاں اُتے اَباد ہَن۔ موجودہ علم فیلالوجی اَتے انسانی خد و خال دی بصیرت نال ثابت تھی چُکیا ہِے جو اِیہ ݙُون٘ہائیں اُوہے وحشی اَتے غارت گر قوماں ہِن جِنّھاں نے آرین دی نقل مکانی کنوں پہلاں انجو انج مُلکاں وِچ تباہی مچا رکّھی ہَئی۔ تِھی سڳدا ہِے جو اِیہ مید اِیں مشہور قوم نال تعلق رکھین٘دے ہووِن جئیں اسیریا دی سلطنت کنوں پہلاں وادیٔ فرات وِچ میدیا دی عظیم الشان سلطنت دی بنیاد رکّھی ہَئی۔ مید اَتے ڄاٹ ݙُون٘ہائیں ہِک ݙُوجھے دے تَکڑے حریف ہَن اَتے انّھاں وِچ ہمیشاں خوفناک جنگاں تِھین٘دیاں رہن٘دیاں ہَن۔ جہڑیلے ایہ سلسلہ لمباݨ پکِڑ ڳِیا تاں ہر ݙیہاڑے دیاں لڑائیاں کنوں تنگ آ کے اُنّھاں نے آپݨے وکیلاں کوں راجہ دریودھن دے کول دہلی گَھلّیا اَتے عرضی ݙِتّی جو اَساں لوک تُہاݙے اطاعت قبول کرین٘دے ہیں۔ تُساں آپݨی طرفوں کُئی نائب گَھلّو، جہڑا اَساݙے اُتّے حکومت کرے۔

ٻِیا ݙیکھو

• مید۔
• راجہ ہرناکشپ۔
• رام چوترہ مندر۔
• رام چندر جی۔
• دریودھن۔