ڄام اظہر مراد دی صلاح

صاحبان ڄام اظہر مراد صیب ٻہوں سوہݨی صلاح ݙتی اے، جتھوں تک میں سمجھ سڳیاں ڄام اظہر صیب اے آکھݨ چاہندن جو سرائیکی قومیتی تحریک کوں جیکر آرگنائز کیتا ونڄے تاں ایندے نتائج مزید بہتر، تیز اتے دور رس ہوسن. ایندا ہک طریقہ اے تجویز کیتینے جو تمام قیادت کٹھی تھیوے، ٻئی اے صلاح ݙتی ہینے جو ہک نویں تنظیم بݨائی ونڄے اتے تنظیمی اتے عہدیداریں دا خاکہ وی ݙتینے. دوستو اصولا تاں اے ڳالہیں ٹھیک ہن مگر عملا کیا کیتا ونڄ سڳدے اوندے تے ذغور کرݨ دی لوڑھ اے. کون کیا ہائی کیا کریندا رہ ڳئے کیا کیتس کائیں لتا چجکیاں کائیں کپیاں وغیرہ غیرہ ایندے تے ٹائیم لانوݨ پندھ کھوٹا کرݨ آلی ڳالھ ھ. الیکشن وچ حصہ گھنݨ اتے نہ گھنݨ اے بحث گزشتہ پنجوی تریہ سالاں توں چلدی پئی. نویں پارٹی بݨاوݨ نہ بݨاوݨ اے وی قریبا تریہ سال توں چلدا پئے. اتحاد کرانوݨ اتے اتحاد بݨاوݨ کیتے میں اتے میݙے ساتھی قریبا تریہ ٻتری سالہ کنوں کوشش وچ ہیسے. اتے ݙو سال پہلے میں ہک جھنڈا ہک ایجنڈا سرائیکستان دا نعرہ لاتا اتے تقریبا تمام سرائیکی قیادت انفرادی طور تے ایندی حمائت اتے تائید کیتی. سرائیکی تھنک ٹینک دے قیام کیتے وی ہک ابتدائی خاکہ اتے کمیٹی تشکیل ݙتی ڳئی جیندا باضابطہ اعلان اتے اجلاس بوجوہ نی تھی سڳیا. ہر مسئلے اتے خرابی دا حل اے ھ جو اوندی بنیاد کنوں کم شروع کیتا ونڄے. سرائیکی قومیتی تحریک دا آغاز سئیں ریاض ہاشمی سئیں نے کیتا انہاں تـہر مکتبہ فجر، یر سیاسی سوچ،. مختلف نظریات، مسالک، طبقات دے لوکاں صرف ہک نقطہ سرائیکستان تے کٹھا کیتا اتے اکھیونے جیہری پارٹی وچ ونڄو مگر اپݨی ہارٹی یا فورم وچ سرائیکستان دی ڳالھ کرو اتے او بھر پور کامیاب رہ ڳئے اتے اڄ تساں اساں انہاں دے ݙتے یوئے شعور موجب سرائیکی سرائیکی کریندے ٻیٹھوں. ایں کم دی ابتدا میݙی صلاح موجب اینوے کیتی ونڄ سڳدی اے جو سرائیکستان قومی رابطہ کمیٹی جیہری جو تقریبا تمام پارٹیاں اتے قائیدین دی حمائت نال تشکیل ݙتی ڳئی ہائی ایں کمیٹی. دے کنوئنئر سئیں پروفیسر عامر فہیم صیب کوں برقرار رکھیندئیں ایندی دوبارہ تشکیل نو کیتی ونڄے اتے ایندے وچ سیاسی رہنماواں دے علاوہ ادیب، دانشور، مفکر، صحافی، تاجر کسان وکلا،، اقلیت، خواتین سمیت تمام مکاتب فکر کوں شامل کیتا ونڄے اتے سرائیکی وسیب، زبان اتے قوم دی ترقی کیتے ترجیحات اتے طریقہ کار ڈسکس کیتے ونڄن. دوست اپݨی رائے ݙیون. عبید خواجہ