پی پی دا سرائیکی نال ظلم

سینیٹ ءچ قومی زباناں دا ٻل ہئی جیندے وچ صوبائیت دی بݨیاد تے پیپلزپارٹی نےصرف چار زباناں کوں قومی زباناں قرار ݙتا ڳیا تے سرائیکی زبان کوں قومی زبان تسلیم نہ کیتا ڳیا پورے سرائیکی وسیب ئچ ایندے خلاف واویلا کیتا ڳیا جیندے متوں وسیب ئچ پیپلز پارٹی دا گراف ٻہوں سارا ڈھہے ڳیا میں اے ڳالھ کیویں بھل سڳداں جو ایہیں حق تلفی توں تاں میݙا دل پیپلز پارٹی کنوں بر تھیا ہئی جو زرداری نے سندھی زبان کوں قومی زبان منوانوݨ کیتے سرائیکی زبان کوں وتآء تے سٹ گھتیا ، حالانکہ سرائیکی زبان خود زرداری دی مادری زبان ہئی پر سیاست ٻہوں بے رحم شئے ہے ۔ زرداری تاں ساݙے نال دآء کھیݙ ڳیا ۔

ول وی میݙا ریکارڈ ء جو جݙاں میں ووٹ ݙیوݨ دا اہل تھیا ہم تاں پہلا ووٹ تلوار تے لاتا ہم تے ات واری وی ووٹ تیر کوں ݙتم چا ، صرف اے سوچ تے جو شاید اے میݙی حیاتی دا آخیری ووٹ ہووے تاں میݙا لائف ریکارڈ نہ ترٹ ونجے جو ساری حیاتی صرف پیپلز پارٹی کوں ہی ووٹ ݙیندا ریہاں۔ فیاض علی شہباز