پیپلز پارٹی دا ممدو نائی

پیپلزپارٹی دا " ممدو نائی" شہزاد عرفان چلو سرائیکی علاقیاں ءچ پی پی پی دے جیالیاں دی روز روز دی ٹاں ٹاں تے مُکی جو "سرائیکی صوبہ تاں پیپلز پارٹی بنْیسی، پیپلزپارٹی نہ ہوندی تے سرائیکی سوال نہ ہوندا۔۔۔۔۔ ٹھٹھو انگوٹھا چا گھنو۔۔۔۔ جہڑے سرائیکی زبان کوں تحفظ نئیں ڈے سگدے، او سرائیکی حقوق ڈیویسن، او سرائیکی صوبہ بنْویسن؟ " ۔۔جیکر ذولفقار علی بھٹو دا قتل آئین، عدالت تے قانون دے تمام ترتقاضے پورے کرن دے باوجود تاریخ ءچ " قتل" ءی سڈویندے تے وت چار باندراں دا سرائیکی تے بئی دھرتی دی تہذیبی قومی زباناں کوں قومی زبان تسلیم نہ کرنْ نال او مریخی زباناں کوئی نہ بنْ ویسن البتہ تاریخءچ پیپلز پارٹی دے شہیداں دی لسٹ ءچ پیپلزپارٹی دا سرائیکیاں کوں ماء دا مندا ہمیشہ یاد راہسی جیندا شو الکشن ءچ نشابر تھیسی جو سرائیکیاں کوں ماء دا مندا کیویں کڈھیندے۔ ۔۔۔ اے سرائیکی ہک عوامی قومی حقوق دی تحریک ہے ۔۔۔۔۔ اج خام حالت ءچ ہے۔ وقت دے نال نال اپنْے آسوں پاسوں دی سیاسی قتصادی معاشرتی تے معاشی تبدیلیاں نال خود کوں تے بئے کوں متاثر کریندے ہوئے اگوں ٹرسی ۔۔۔۔۔ جہڑھی ایندیی گالھ کریسی اے اوندے نال ٹرسی اونکوں مضبوط کریسی جو ایندی نفی کریسی اے اونکو رد کر ڈیسی۔۔۔۔ الیکشنز ءچ اونکوں رد کریسی ۔۔۔۔ اے ہنْ اسی یا نوے دی دھائی دا سیاسی کلچر کوئی نئیں جو لوکاں کو ممدو کُھدو سمجھ تے کم ٹپاؤ چا۔۔۔۔۔ ڈیجیٹل ورلڈ دی نویں یوتھ ء۔۔۔۔۔ سیاست کوں سو فیصد سمجھدن جمہوریت کو سمجھدن ۔۔۔۔ایں وقت سیاسی پارٹیاں کوں سرائیکیاں دی ایں نویں پیڑھی کوں خود نال جوڑن دی لوڑھء ۔۔۔۔۔ نہ کہ ماء دا مندا کڈھا ونجے۔۔۔۔ اے کم تاں کہیں وڈی کنیں وڈی پنجابیاں دی نمائندہ کہیں پارٹی نئیں کیتا جیڑھا اج دی پی پی پی نے کر ڈکھائے۔ کیا بی بی شہید دا سرائیکیاں نال ایہو وعدا ہا ۔۔۔۔۔ وت جیکر سب اسٹیبلشمنٹ دے گماشتے ہن تے وت بھانویں سرائیکیاں دا جیندے نال سیاسی سودا بنْے۔۔۔ضروری ءی جو زرداری دا مزارعہ بنْے؟ اے سیاست ہے اج ہر کہیں کوں قومی حقوق تے اپنْی بقاء دے جنگ خود لڑنی ہے سو لڑسوں ۔۔۔۔۔ جمہوریت دا ٹھیکہ صرف کلہاغریب پسماندہ غیرتعلیم یافتہ سرائیکیاں نئیں چاتا اے سب دی مشترکہ جدوجہد دے نتیجہ ءچ بندی ہے کلہے سرائیکی ایں حالت خود آپ ایندے بوجھ تلے آتے مر پوسن کیوں جو جمہوریت کتھائیں کوئی نئیں ۔ جیالا بھائی جان۔۔۔۔۔۔ پیپلز پارٹی نہ کوئی عوامی تحریک ء نہ کوئی نظریہ ء بھل حصول اقتدار دے جھومریاں ءچوں جھومری ہن۔۔۔۔ او پہلے سندھ دی حفاظت تا کر ڈکھاون ۔۔۔۔۔۔ سندھیاں دی حقوق تاں بحال کرواون۔۔۔۔۔۔۔ پنجابیاں دی خصیاں پوشی کولوں تاں فرصت ملے۔۔۔۔۔اسٹیبلشمنٹ دے بوٹ تاں پنجابیاں نال رل تے چمکاون ۔۔۔۔۔۔ پورے سرائیکی وسیب ءچ پیپلز پارٹی نے پنجابی جاگیردار ابادکار تاجر طبقہ تے سول تے ملٹری بیوروں کریسی کوں مضبوط کیتے۔ نوازشریف مسلم لیگ جیکر پنجابی اصتحصالی طبقہ دی نمائندگی کریندی ہے تے پیپلز پارٹی وی اوندی بانہہ بیل ہے۔ اے سرائیکی تحریک سرائیکی دھرتی دی عوامی تحریک ء۔۔۔۔ ایندے تے کہیں اسٹبلشمنٹ دیے سیاسی گماشتیاں دا کوئی احسان کوئی نئیں البتہ سرائیکی عوام دا احسان پیپلز پارٹی تے ضرور ء جو ہُنْ تئیں بھُٹو فیملی دے مُردہ گھوڑے ءچ ہوا بھریندی رہ گئی ہے۔۔۔۔۔ کہیں وی مین بنیادی ایشو کو ڈی فیوز کرنْ دا سوکھا طریقہ اے ہوندے جو ایشو کوں فورم تے گھن آ تے اونکوں فرضی اکثریتی بحث تےووٹ کراتے آکھو جمہوری تقاضے پورے کیتے سے ۔۔۔۔۔ سرائیکی زبان تے صوبہ دی تحریک وڑ گئی کُٹیج تے البتہ جمہوریت زندہ باد" ۔۔۔۔۔ ایہو کجھ زرداری کیتا ہا سرائیکی صوبے دے ایشو تے اج سرائیکی زبان دا تڈا پٹ سٹے نے۔۔۔۔۔۔۔ اج طے تھی گئے جو پیپلز پارٹی سرائیکی علاقیاں ءچ بری طرح شکست کھاندی پئی ہے کیوں جو بولی دا مندا سب توں وڈا مندا ہوندے جیہڑا پیپلز پارٹی نے مظلوم محکوم سرائیکی قوم کوں ڈتے۔۔۔۔۔۔ ایں توں اے بلکل واضح تھی گئے جو سرائیکی جیالے دا پیپلز پارٹی دی قیادت دے کلب ءچ ممدو ڈیوائے تے کُھدو توں ودھ کوئی حیثیت کوئی نئیں جیہڑا گل ءچ رچھانْی پاء استرا قینچیاں ٹھمکا، جُتیاں جوڑن تے پواونْ ءچ خوش ہوندے۔۔۔۔۔ اے تاں ممدو جیالے توں وی پچھا ونج سگدے جو اج تئیں پی پی پی کوں سرائیکی محرومیاں، پسماندگیاں زبان تے قومی حقوق دی لوڑاں نئیں کیوں نئیں سمجھا سگے؟ ۔۔ جیہڑا جیالا سرائیکی سرائیکی کریندا اسلام آباد گئے پی پی پی اونکوں ہک نوکری تے نال سرائیکی تحریک دا ووٹ پی پی پی کو ڈیواونْ دا مشروط پروجکٹ ڈے تے سیاسی دکان چلائی ء۔۔۔ افسوس ء سرائیکی جیالے دانشوراں تے ء جنہاں خود تاں ایں دکان ءچ بطور سرائیکی مال بنْ وِکن نال پوری قوم دی محرومیاں دا سودا ہک نوکری وٹوں مارے۔۔۔۔۔۔ سرائیکی مہان جیالے دانشوراں توں ارداس ء جو ایں صورتحال اُتے پی پی پی دے نائی بنْ تے لمبے لمبے مبہم فلسفیاں نال تشریف نہ دھوون تے الیکشن دا انتظار کرن جو "ماء دا مندا دراصل زبان یا ماء بولی دا مندا ہوندے" سرائیکی دا بوٹا اساں اپنْے ہتھ نال رادھے سے آپ ءی گوڈی پانْی ڈے تے حفاظت کریسوں۔۔۔۔ہُنْ سرائیکیاں کنیں " ٹکے دی کُتی تے اٹھ آنے گھلائی" دا اکھانْ پورا نئیں تھیندا ۔۔۔ ہُنْ لاؤ بیٹھے ٹھپے میڈے تے جو شہزاد عرفان تے فلانْے دا ہتھ ء وغیرہ وغیرہ۔۔۔۔کوئی تاں جواب ڈیوے دیسی دانشورو ۔۔۔۔۔۔ پیپلز پارٹی ءچ جمہوریت گولیندے ہاوے۔۔۔۔۔ اگلاں تہاڈی سرائیکی زبان تہاڈی تہذیب ثقافت قربانیاں منہہ تے مار تے دُر دُر کیتے۔۔۔۔اتھاں ہُنْ سب کوں گڑا پئے گئے کیویں بولے کوئی تے کیڑھے منہہ نال ۔۔۔۔۔ ممدوصیحب ہُنْ میڈے نال لُجھ لاونْ دی بجائے ایں کرو جو میڈی پوسٹ کوں پیپلز پارٹی آلاں سندھی تے پنجابی لیڈراں کوں بھیجو ۔۔۔ انہاں کوں شرم ڈیواو ۔۔۔۔۔۔ تے آکھو جو ہُنْ وسیب ءچ لوک جیونْ نئیں ڈیندے اساں وسیب کنیں منہہ لُکائی ودے ہیں۔ سوشل میڈیا تے سرائیکی تحریک دے دوستاں کوں کیا ڈسوں جو اساڈی پارٹی ساڈی زبان کٹ تے ساکوں گُنگا آکھے۔۔۔۔۔۔ انھاں توں پُچھو جو اساں سرائیکیاں کولوں ماء بولی دا جماندرا حق چھکنْ آلے تساں کون تھیندے وے ۔۔جیکر اساڈی زبان پاکستان دی قومی کوئی نئیں تے وت گودا کیہڑھے ملک دے واسی ہیں جتھاں اے سرائیکی زبان بولی ویندی ءے؟ ۔۔ اساں ممدو ہرسال گڑھی خدا بخش لاڑکانہ ونج تے حاضریاں ڈیوں تہاڈے موئے جیواؤں، پارٹی کوں حکومتاں کراؤں ، اقتدار ڈیواؤں،تہاڈے جرائم تے گناہواں تے پردے ڈیوں کج کروں، تہاڈے وستے نچوں ٹپوں مروں ماروں تے تساں میکوں آکھو " گُنگا " میڈی ماء بولی سرائیکی کوں میڈی ست دریاواں دی دھرتی دی تہذیب کوں مندا کڈھ تے آکھو جو اساں سرائیکی کوں قومی زبان نئیں منیندے " تہاڈے مننْ نہ مننْ نال سرائیکی زبان تے کوئی فرق نئیں پوونْاں البتہ اج توں بعد سرائیکی لوک تہاکوں مننْ چھوڑ ڈتے۔۔۔۔ ذرا سوچو جو جیکر اپنْی سندھی زبان نال سرائیکی کوں وی قومی زبان منظور کروائی ونجن ہا تے ممدو دے نال نال سرائیکی عوام کتنی خوش ہو وے ہا ۔۔۔۔ اے الیکشن پی پی پی جیتی کھڑی ہائی سرائیکی دھرتی تے لوکاں دی تاریخ پی پی پی دے ہتھوں ہو وے ہا۔۔۔۔اج اے طے ءے جو جئیں موجودہ نام نہاد پنجاب ءچ سرائیکی علاقہ فتح کیتا ووٹ گدے اوں پاکستان ءچ حکمرانی کرنْی ءے پیپلز پارٹی نے اج اپنْی ممکن فتح دی آخری امید ونجا ڈتی ءے ۔۔۔۔۔۔ ممدو صیحب مارکا جیہڑا جواب ڈیون ضرور فارورڈ کراہے چا جو وسیب کوں پتہ چلے جوپیپلز پارٹی ساکوں پاکستان دی قوم تے اندی زبان کیوں نئیں منیندی۔۔پیپلز پارٹی آلے اے ساری کہانی " سندھ ءچ 70 فیصد سرائیکی آبادی" دی کہانی ختم کرنْ سانگے ٹوری کھڑن ۔۔۔۔۔ جیویں اساں سرائیکی پنجاب ءچ مجبوراََپنجابی ہیں ، دیرہ اسماعیل خان ءچ سرائیکی مجبوراََ پٹھانْ تے بلوچستان دے سبی ڈھاڈھر، کچھ تے نصیرآباد دے سرائیکی مجبوراََ بلوچ ہن۔ ۔۔۔۔۔۔ سندھ ءچ پیپلز پارٹی نے دانستہ طور تے سندھ دے اکثریت سرائیکیاں کوں سندھی بالادستی ءچ رکھنْ کیتے سیاسی تے قانونی چال چلی ء تاکہ اتھوں دے سرائیکیاں نال اوہو کیتا ونجے جیویں پنجاب ءچ پنجابی سرائیکیاں نال کریندے پئیں۔۔۔۔ فرق اے ء جو سندھی قومی، قومیتی شعور، قومیتی تحریکاں کنیں واقف ہے سیانْاں ء جو اج جہیڑا مطالبہ سرائیکی پنجابیاں توں کریندے کھڑن او کل سندھ نال کریسن۔۔۔۔۔۔۔ اے ساری کہانی ءے تہوں اے بل پیپلز پارٹی دے اندرون سندھ دے سینیٹرز نے پیش کیتا جیکوں پنجابیاں (اعتزاز احسن) موقع غیمت سمجھا جو پیپلز پارٹی دے ہک قومی نشان "تیر" نال ڈوشکار کیتے نے۔ اے پیپلز پارٹی دے سندھی تے پنجابی لیڈرشب دی مشترکہ سرائیکی دشمن سوچ ہائی جیہڑی رل تے نبھائی نے ۔۔۔۔۔۔ اے فرسودہ دقیانوسی سوچ نہ بےنظیر بھٹو دی ہائی نہ ذولفقار علی بھٹو دی ۔۔۔۔۔ وت اے کون ہن سرائیکی دشمن تساں خود کُھرا چاؤ۔ ۔۔۔

شہزاد عرفان