پیشینس کوپر

پیشینس کوپر
معلومات شخصیت
ڄم	1905 کولکاتہ، برطانوی ہند
وفات	1993 پاکستان
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
شریک حیات	گل حامد
عملی زندگی
پیشہ	اداکار
	IMDB پر صفحہ

پیشینس کوپر ہک بھارتی فلمی اداکارہ ہن۔ پیشینس کُوپر دا ناں ہندوستانی فلمی صنعت دی پہلی زنانی سپر سٹار دی حیثیت نال ہمیشہ زندہ راہسی۔ ہندوستانی فلمی صنعت دی پہلی زنانی سپر سٹار جنہاں کوں خاموش فلماں دی مدھو بالا وی آکھیا ویندا ہئی۔ 1920ء دی ݙہاکے وچ جݙاں ہندوستان وچ خاموش فلماں بݨائیاں ویندیاں ہن تاں اوں ویلے چند فنکاریں نے اپݨی بہترین کارکردگی دی وجہ نال شہرت حاصل کیتی۔ انہاں وچوں ہک ناں پیشینس کُوپر دا وی ہئی۔

حالات زندگی

1905ء وچ پیدا تھیوݨ آلی ایہ زنانی اداکارہ اینگلو انڈین ہن تے انہاں دا تعلق کلکتہ نال ہئی۔

پیشینس کُوپر نے ذاتی زندگی وچ ٻہوں صدمات جھیلے پر اوہ ہک حوصلہ مند خاتون ہن جنہاں نے وݙی ہمت تے استقامت نال حالات دا مقابلہ کیتا۔ انہاں دی پہلی شادی گل حمید نال تھئی جیہڑے اپݨے وقت دے وݙے مشہور ہیرو ہن۔ گل حمید وی ٻہوں حسین ہن بلکہ انہاں دے بارے وچ آکھیا ویندا ہئی کہ اوہ مردانہ وجاہت دا جیتا جاگدا شاہکار ہن۔ بد قسمتی نال شادی دے صرف 6 سال بعد اوہ اوہ جہان فانی توں رخصت تھی ڳئے۔ کُوپر کوں جوانی وچ ہی اپݨے پئے دی موت دا صدمہ برداشت کرݨا پیا۔

کُوپر نے ایہ عظیم صدمہ برداشت کر ڳھدا تے ول توں زندگی دی ڈگر تے چلݨ لڳ ڳئے۔ کجھ حلقےآں دی رائے وچ کُوپر نے سب توں پہلے ایم اے ایچ اصفہانی نال شادی کیتی جیہڑے چاہ دی صنعت نال وابستہ ہن۔ اوں ویلے انہاں دی عمر 21 سال ہئی۔ انہاں دی شادی طلاق تے ختم تھئی۔ جیندے بعد انہاں نے گل حمید کوں اپݨا شریک حیات بݨایا۔ 1947ء وچ پیشینس کُوپر پاکستان آ ڳئے تے اپݨاں ناں صابرہ بیگم رکھ ڳھدا۔ اوہ کراچی وچ اپݨیاں ݙو لے پالک دھیری دے نال رہائش پزیر تھی ڳئے جنہاں دے ناں زینت تے حلیمہ ہن۔ اپݨی زندگی دے آخری ݙیہاڑے انہاں نے اپݨیاں لے پالک دھیری دے نال کراچی وچ گزاریے۔ 1983ء وچ انہاں دا انتقال تھی ڳیا۔

فنی خدمات

انہاں نے 40 دے قریب خاموش تے آواز فلماں وچ کم کیتا پر انہاں نے زیادہ تر خاموش فلماں وچ اداکاری کیتی۔ انہاں دی کامیاب فلماں دی تعداد ایں قدر زیادہ ہئی کہ انہاں کوں ہندوستانی فلمی صنعت دی پہلی تریمت سپر سٹار آکھیا ویندا ہئی۔ انہاں نے 1920ء توں ڳھن کے 1944ء تک فلماں وچ کم کیتا۔ انہاں نے اپݨے کیرئیر دا آغاز رقاصہ دی حیثیت نال کیتا۔ 1922ء وچ انہاں دی فلم ’’پتی بھکتی‘‘ کوں ٻہوں کامیابی ملی۔ انہاں دے بارے وچ ایہ وی آکھیا ویندا ہئی کہ بھارتی سکرین تے پہلی واری ڈبل رول انہاں نے ادا کیتا۔ پہلے فلم ’’پتنی پرتاب‘‘ وچ اوہ جاڑی بھیݨیں دی حیثیت نال جلوہ گر تھئے تے بعد وچ انہاں نے فلم ’’کشمیری سُندری‘‘ وچ ماء تے دھی دا ڈبل رول ادا کیتا پر ہندوستان دے کجھ فلمی حلقے اینکوں درست نی منیدے۔ انہاں دے مطابق سب توں پہلے اداکارہ اینا سلینکھے نے 1917ء وچ ریلیز تھیوݨ آلی خاموش فلم ’’لنکا دہن‘‘ وچ رام تے سیتا دا ڈبل رول ادا کیتا۔ ’’پتی بھگتی‘‘ کوں پیشینس کُوپر دی بہترین فلم قرار ݙتا ویندا ہئی۔ ایں فلم وچ انہاں نے لیلا وتی دا کردار ادا کیتا ہئی۔ ایں فلم دے ہدایتکار جے جے مدن ہن جیہڑے اپݨے وقت دے عظیم ہدایتکار منے ویندے ہن۔ فلم وچ انہاں نے زنانیاں کوں ایہ پیغام ݙتا کہ اوہ اپݨے پئے کیتے سب کجھ وقف کر ݙیون۔ انہاں نے جے جے مدن دی ہک ٻئی یادگار فلم وچ اپݨے فن دے جوہر ݙکھیندیں جیندا ناں ہئی ’’لیلیٰ مجنوں‘‘۔ 1923ء وچ جے جے مدن دی ہک ٻئی فلم ’’نورجہاں‘‘ وچ پیشینس کُوپر نے اپݨیاں فنکارانہ صلاحیتاں دا مظاہرہ کیتا۔ ایندے علاوہ 1928ء وچ ’’آنکھ دا نشہ‘‘ تے ول ’’حورِ عرب‘‘ وچ وی انہاں نے شاندار اداکاری دی بدولت فلم بیناں کوں متاثر کیتا۔ 1936ء وچ انہاں کوں گل حمید دی ہدایتکاری وچ مشہور فلم ’’خیبر پاس‘‘ وچ کم کرݨ دا موقع ملیا۔ ایہ آواز فلم ہئی۔ ایندے بعد انہاں نے اپݨے ویلے دی ہک ٻئی مشہور فلم ’’باغی سپاہی‘‘ وچ بے مثال اداکاری کیتی۔ ایں فلم دے ہیرو گل حمید ہن جݙاں جو ہدایتکاری دے فرائض اے آر کاردار نے سر انجام ݙتے۔ پیشینس کُوپر دی ٻیاں مشہور فلماں وچ ’’فخر اسلام‘‘، ’’نل مانیتی‘‘، ’’وشنو اوتار‘‘ تے ’’علی بابا چالیس چور‘‘ شامل ہن۔ سیاہ اکھیں، تیکھے نقوش تے آبنوسی بال۔ 1944ء وچ انہاں نے فلماں توں ریٹائرمنٹ ڳھن ڳھدی۔ انہاں دی آخری فلم ’’ارادہ‘‘ ہئی۔