پیر ݙاݙا پلݨ

پیر ڈاڈا پلݨ سئیں منگڑوٹھہ.

سندھوں تہذیب، سرائیکی وسیب پراݨی تاریخ نال وابستہ ہِن. کوہ سلیمان تے ایندے دامن ئچ صوفی ازم ، اولیا کرام اور انہیں دے نال نال حملہ آوریں اور مذاہمتی کرداریں دی تاریخ وی نمایاں طور تے آپݨاں مقام رکھدی ہے، جیندی وجہ کولو سوچا ونج سڳدے کہ اے وسیب کتنا اہم، ذرخیز تے غیر معمولی ہے، اور ریاست دی ترقی کیتے ریڑھ دی ہڈی  دا کردار ادا کریندا پئے اور ایں وسیب دے لوک واسیاں دے پیریں تلے جُتی وی کائنی، اور جدید دور ئچ وی صحت دیاں سہولتاں وی کائنی اور تاریخ کوں ردو بدل کرݨ دے چارے وی جاری ہِن.

پہلا دور شائد ایں دور کولو مشکل ترین دور ہا لوک آپݨی مایوسی، بے وسی اور تکالیف دا ازالہ صوفیہ کرام اور اولیاء اللہ دیاں محفلیں ئچ ونج کے کریندے ہن اور کوئی نویں وستی یا جھوک آباد تھیوے ہا تاں اتھاں وی پہلے کئیں سید یا ولی کوں ضرور بلھاوݨ دا سوچا ویندا ہے. ایں سوچ کوں یقینی بݨایا ویندا ہا، ایویں منگڑوٹھہ ئچ ہک ولیِ کامل، پیر ڈاڈا پلݨ سئیں (رح) دی دربار وی موجود ہے جیندی کوئی مکمل تاریخ اور گدی نشینی تاں نئی ملدی لیکن گالھ جیویں نسلیں تک ٹردی رہ ویندی ہے تاں ایویں پیر ڈاڈا پلݨ سئیں دے بارے وی آکھیا ویندے جو اے سخی سلطان باہو دے ساتھی ہِن تے اوں دور دے ولیِ کامل ہِن، انہیں دے دور ئچ ہی منگڑوٹھہ آئے ہَن اور اپݨے اسلامی فیض نال وسیب ئچ اسلام اور امن دا مزید پیغام ونڈایا. سخی سلطان باہو چونکہ بادشاہ شاہجہان دے دور دے بندے ہِن جیڑھے سولویں (1630) صدی عیسوی دا دور ہے. اور باہو سلطان (رح) دا سلسلہ سروری قادری ہے جیندا آغاز عبدالقادر جیلانی (رح) کولو تھیا. تاں اے وی ول آکھیا ونج سڳدے اگر سخی سلطان دے ساتھی ہَن تاں پیر ڈاڈا پلݨ سئیں وی قادری ہَن اور سولویں صدی ئچ منگڑوٹھہ آن آباد تھئن.

انہیں دا دربار منگڑوٹھہ دے بلکل پوھادو سڑک دی اُبھی پاسو ہے. دربار دے اندر ہِک سید بادشاہ دی قبر دے نال موجودہ دور دے ضمیرالحسن المعروف جمعہ فقیر خلیفہ تے باقی چند عقیدت مندیاں دیاں قبراں وی ہِن. اور محمد حنیف المعروف کوڑو خلیفہ ہُݨ وی دربار تے ݙیکھ بھال دیاں اپڑیاں خدمات عقیدت دے طور تے نبھاوݨ ئچ مصروف راہندے. روائتی طور تے وسیب دی ذرخیزی، خوشحالی، امن دی نشانی اور خیر سگالی دے طور تے دربار دے ٻاہرو ٹھکوریاں تے ٹلیاں جال دے درخت تے ہوا دی ہلکے جُھولیاں نال اپݨا پُر لطف ساز ہر وقت سݨیندیاں رہ ویندن. دربار دے  نال لمی پاسو  مسجد ݙاݙا پلݨ ہے جتھاں مقامی ٻال صبح و شام روائتی انداز وچ قران کریم دا درس گھندن اور قرآنی تعلیم کولو فیض یاب تھیندن. اے سلسلہ چار سو (400) سال کولو جاری ہے. اور مقامی لوک اتھاں آکے خدا دے حضور دعائیں منگدن اور خدا دی خوشنودی پیندن. اور اللہ کریم کولو اپݨی حاجات دی تسکین پیندن. پیر ݙاݙا پلݨ سئں اور مزید نیک لوکاں دی وجہ کولو وسیب امن دا گہوارہ ہے.

دعا گو

امتیاز حسین.