پیر علی گوہر شاہ اصغر

آپ پیر حزب اللہ دے فرزند ہن۔ والد ماجد دے بعد آپ گدی نشین تھے۔ آپ دی ولادت 1231ھ وچ تھئی تے 1263ھ آپ وصال فرمایا۔ آپ وݙے سخی تے درویش ہن۔ کݙاہیں کوئی آپ کنوں خالی ہتھ نہ آندا ہئی۔ آپ علم و ادب دی وݙی سرپرستی کریند ے ہن۔ بے انداز دولت دے باوجود آپ دی روش فقیرانہ ہئی۔ آپ فارسی زبان دے ٻہوں وݙے ماہر ہن۔ شاعری دا شوق بچپن کنوں ہانے ۔ آپ شاعری وچ اصغر تخلص کریندے ہن۔ ۔ فارسی ‘ سندھی تے سرائیکی زباناں دے شاعر ہن۔ نمونہ کلام:

مولود

مہین ݙیکھ مستانی جو تھئیاں تیݙا حسن کمال

ہے سبھائوں زور زیادہ جانی تیݙا جمال

صدقے کیتم توں دلبر توں سر سودھا سب مال

سوز سولاں دے مینوں ساڑیا تھیا سر و بال

آوے میں ݙے ماہی محرم آہو من سوال

آئو پارو مل کرین کھیݙٖوں برھہ دھمال

اصغر عاشق روز ازل دا کیتا حسن حلال

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان