پیر شاہ شمس سبزواری
حضرت شاہ شمس سبزواری 560ھ؍1165ء سبزوار وچ پیدا تھے۔ تعلیم دی تکمیل دے بعد آپ ہندوستان تشریف گھن آئے۔ پہلے پہلے آپ تبلیغی سرگرمیاں دا آغاز سندھ توں کیتا۔ مگر بعد وچ آپ ملتان آ ڳے تے ملتان ہی آپ دیاں تبلیغی سرگرمیاں دا مرکز ریہا۔ آپ حضرت بہاء الدین زکریا ملتانیؒ دے ہمعصر ہن۔ آپ نے بے شمار لوکاں کوں دینِ حق دی راہ ݙکھائی ۔ آپ دے مرید اسماعیلی کھوجے تے شمسی اکھویندن تے پنجاب اِچ انھاں دی ٻہوں وݙی تعداد آباد ہے۔ پیر شاہ شمس سبزواری دے زیادہ تر گنان رلوڑ ملوڑ زباناں وچ ہن۔ آپ سندھی ‘ گجراتی ‘ پوربی ‘ ہندی تے سرائیکی وچ گنان لکھیے۔(50)۔آپ دے ہک سرائیکی گنان دا نمونہ:
اے سوبھاگا
کھادا سو کھادا ۔ پیتا سو پیتا
ݙتا سو ہی پرماند ۔ سو بھاگا
دینا پال رکھو چال تساں
پاݨی پیئو چھان ۔ سوبھاگا
آپے شاہ ملاں آپے شاہ قاضی
آپے وید قرآن۔ سوبھاگا
جنھاں مہارس پیر شمس ٻولیا
سچا لنگھسی پار۔ سوبھاگا
سنبھلے سنبھلے صاحب سندھ لنگھیسی
آ دنیا مول استان ۔ سوبھاگا
چارے کنڈو چارے چاکلا
مول چونک مولستان ۔ سوبھاگا
پیر شمس سبزواری دا ہک ٻیا گنان
[لکھو | ماخذ وچ تبدیلی کرو]ہک تیرتھ ویندا پیر شمس غازی دا
تساں نہادو ‘ نہاوݨا دیر نہاونا
نہاتے دھوتے جیؤ جناں گرو دا فرمایا کیا
او نہیں آوݨا ‘ نہیں آوݨا
راہو راہا چلو تساں پیر پوچھی راہا چلو
او جو پگ نہیں پاوتا ‘ نا پاوتا
ایسا میݙے صاحب راجے دا ساندا ݙا
سوئی دے دافے وچ ہستی ماونا ویرا ماوݨا
پیر شمس غازی ٻولیا
پھل سچا یار یارا مومنایاونا ‘ ویرا یاونا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان