پیر حضور الدین عاصی

پیر حضور الدین عاصی تحصیل صادق آباد دے مشہور بزرگ گزرین۔ آپ ٻہوں سخی تے فیاض ہن۔ شاہ عبداللطیف بھٹائی تے سچل سرمست دے کلام نال بے حد لڳائو رکھدے ہن۔ آپ شاعری وچ عاصی تخلص کریندے ہن۔ ہک دفعہ بارش نہ تھئی تاں آپ نے منظوم دعا پڑھی:

موگھ جیکا ہے سوکھ اساݙی کر سیراب سبھائی

جھنگ جھلاریں تار وہن رہے حاجت مول نہ کائی

بھانڈے کوں کرکر کانڈا سب سے راہکاں بے پرواہی

قرض کولوں کر آ جے میرے راہک غریب سپاہی

ہتھ دے نال ݙتی ہئی سب شے چوری کیتی نہ کائی

فضلوں ݙتی مہروں بخشی صدقہ یمن الٰہی

شاہ حضور الدین عاصی دی قائم رکھی بادشاہی(3)  

پیر حضور الدین 128سال دی عمر وچ 1965ء وچ فوت تھئے۔

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان