پیر حسن کبیر الدین

(1423-1341)

آپ پیر صدر الدین دے وݙے ٻال ہن۔ انھاں دی پیدائش 1341ھ وچ ایران اِچ تھئی۔ آپ عربی تے فارسی دے ٻہوں وݙے عالم ہن۔ ہمیشہ امن تے محبت دا درس ݙیندے رہندے ہن۔ آپ پورے ہندوستان دا سفر کیتا۔ ایں توں علاوہ افغانستان تے کشمیر وی تشریف گھن ڳے۔ آپ کوں مقامی زباناں تے ٻہوں عبور حاصل ہئی ۔ زیادہ تر آپ ملتان تے اوچ دی طرف تبلیغ کریندے ہن۔ ڈاکٹر غلام الانہ دے اکھاݨ مطابق آپ دا زیادہ تر کلام ملتانی وچ ملدے۔ لیکن سندھی دے لاڑی تے کیجھی لہجیاں وچ وی آپ شعر آکھین۔(54)۔ آپ دے ہک سرائیکی گنان دا نمونہ:

اے جی پیر صدر الدین یارا ۔ پارے رے قرانا

ٻاہر جاوے تیکوں اندرلانا

شاہ نین سُنڄاݨو اپݨے پیر پہچانو

پیر حسن کبیر دے ہک ٻئے ڳنان دا نمونہ:

اے جی کیا لے آئے وے اس دنیا وچ

میݙے بھائی دے

تساں جائو تو کیا لے جاسو

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان