پیار تو نے کیا کیا (فلم)
پیار تُو نے کیا کِیا 2001ء دی ہک بھارتی ہندی زبان دی رومانوی فلم ہے جینکوں رام گوپال ورما نے پروڈیوس کیتا ہئی اتے ایں دی ہدایت کاری رجت مکھرجی نے کیتی ہئی۔ ایں فلم دے مرکزی کردار وچ فردین خان، ارمیلا ماتونڈکر اتے سونالی کلکرنی شامل ہن۔ اے فلم رجت مکھرجی دی ہدایت کاری وچ بݨݨ آلی پہلی فلم ہئی۔
قصہ
[لکھو | ماخذ وچ تبدیلی کرو]ریا جیسوال (ارمیلا ماتونڈکر) ہک سخت تنہا اتے غصّے والی تریمت ہوندی ہے اتے ممبئی دے ہک امیر تاجر جیسوال (سریش اوبرائے) دی اکیلی دھی رہندی ہے۔ جیسوال اپݨی دھی نال محبت کریندا ہے لیکن ایندی چڑچڑے یا وحشی فطرت دے بارے وچ فکر مند رہندا ہے۔ ہک ݙینہہ ریا گوا وچ چھٹیاں گزارݨ ویندی ہے جتھاں ایں دی ملاقات جئے بھٹ (فردین خان) نال تھیندی ہے جیہڑا ہک فیشن فوٹوگرافر ہوندا ہے۔ او گیتا بھٹ (سونالی کلکرنی) دے نال شادی شدہ زندگی گزاریندا پیا ہوندا ہے۔ جئے بھٹ اتے ریا جیسوال دی ملاقات دے دوران، جئے بغیر اجازت ریا دیاں تصاویر ڳھندا ہے اتے انہاں کوں ایں میگزین وچ شائع کریندا ہے جئیں وچ او کم کریندا ہے۔ ریا دیاں تصویریں دی وجہ توں میگزین کوں ٻہوں کامیابی ملدی ہے اتے فائدہ تھیندا ہے۔ کامیابی ملݨ دے بعد چیف ایڈیٹر چاہندا ہے کہ ریا انہاں دے میگزین کیتے ماڈل دا کم کرے، لیکن ریا انکار کر ݙیندی ہے کیوں جو او جئے توں پچھے بغیر اپݨیاں تصویریں شائع کرݨ تے ناراض ہوندی ہے۔ جئے ریا کوں بطور ماڈل کم کرݨ کیتے راضی کر ڳھندا ہے۔ بعد وچ ریا کوں جئے نال محبت تھی ویندی ہے۔ ریا جݙݨ جئے دے گھر ویندی ہے تاں اتھاں جئے دی ذال گیتا نال مل تے حیران رہ ویندی ہے کیوں جو ریا کوں معلوم کوئنی ہوندا ہے کہ جئے شادی شدہ ہے۔ ایں واقعے دے بعد ریا ڈپریشن وچ چلی ویندی ہے۔
کردار
[لکھو | ماخذ وچ تبدیلی کرو]- ارمیلا ماتونڈکر بطور ریا جیسوال
- فردین خان بطور جے بھٹ، گیتا کے شوہر۔
- سونالی کلکرنی بطور گیتا بھٹ، جئے کی بیوی۔
- سریش اوبرائے بطور جیسوال، ریا جیسوال کے والد
- اچنت کور بطور ریا جیسوال کی والدہ
- راج پال یادیو بطور رامپال یادو/ چھوٹا وکیل
- روی بسوانی بطور ویسپی
- گوتمی کپور بطور مسز جیسوال
ڳاݨے
[لکھو | ماخذ وچ تبدیلی کرو]| نمبر. | عنوان | موسیقار | طوالت |
|---|---|---|---|
| 1. | "کمبخت عشق" | سونو نگم، سکھ وندر سنگھ، آشا بھوسلے | |
| 2. | "پیار تونے کیا کیا" | سونو نگم، الکا یاگنک | |
| 3. | "کو کو کو" | سونو نگم | |
| 4. | "روندھے" | الیشا چنائی | |
| 5. | "پیار تونے کیا کیا" | کے ایس چترا | |
| 6. | "مجھ کو خدا نے دے دیا" | کویتا کرشنا مورتی، سونو نگم | |
| 7. | "کمبخت مِکس" | سونو نگم، سکھ وندر سنگھ، آشا بھوسلے | |
| 8. | "روندھے" | سومیا راؤ |