پیاراشہید
1586ء؍990ھ
پیارا شہید تحصیل صادق آباد دے علاقے بھونگ بھارہ دے رہݨ والے ہن ۔ انھاں دا ناں پیارے خان ہئی۔ قوم دے بلوچ ہن۔ فقیری طبیعت دے مالک انسان ہن۔ آپ جنگ نامہ ‘ درد نامہ تے معراج نامہ تصنیف کیتا ہئی مگر ہُݨ اے سب نایاب ہن۔ میر حسان الحیدری پیارا شہید بارے آہدن کہ انھاں دے کلام وچ تصوف ‘ جوشِ جہاد تے ولولہ ایمانی پایا ویندے ۔ نمونے دے طور تے پیارا شہیدا دا ہک ݙوہڑہ:
لڳ ڳئی پیت تے بُھل ڳئی ساری ذات صفات دی مونہی
عشق دے رہ وچ خار ہزاراں تے میں مٹھڑی اَݨ سونہی
سینڳیاں سیاں کرو دعائیں شالا سر ݙے تھیواں اڳونہی
لازم کفر پیارا ہوں تے جیڑھی راہوں تھئی پچھونہی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان