پُرباشؔ
اصل ناں فیض علی
قلمی ناں پُر باش
جمن 1933ء
تعلیم پرائمری
پیشہ ۔۔۔۔۔
فون نمبر ۔۔۔۔۔
جاہ پتہ وستی داد پوتراں،خان پور ضلع رحیم یار خان
(1) غزل
[لکھو | ماخذ وچ تبدیلی کرو]ہک اُجڑی ہوئی جھوک دی تصویر بنائی ہم
ہک خواب ہا اوں خواب دی تعبیر بنا ئی ہم
اے دوست میڈے ڈیکھ تے ہنجوںتے نہ کھل توں
میں ساری عمر اپنی اے جاگیر بنائی ہم
کجھ درد دی شدّت نے ڈتا درس ہے میکوں
کجھ خون دے ہنجوں دی میں تحریر بنائی ہم
کر کر کے تیکوں یاد ودا جیندا ہاں جگ تے
بے تابئے دل دی میں ایہا دھیر بنائی ہم
پُر باشؔ کراں ناز نہ کیوں تیڈی وفا تے
میں اپنی ونجا تے تیڈی تقدیر بنائی ہم