پولیس وردی
پولیس وردی
لکھت: منصورشانی
کجھ لوگ ات واسطےوی پرہلی کندھی تےکھڑ کے پولیس کوں مندےکڈھدن جو او یا انہیں دےبال اٹھ ڈاہ دفعہ بھج دروک کرنڑ دے باوجود وی معیار تےپورے نئ اترۓتےپولیس نئ بنڑ سگۓ.لازمی نئ جو سارے کوڑےہوون کجھ شاید میں وانگوں پولیس کولو ڈھوڈھےدےدانڑیں گھدی وی ودے ہون.جیویں جو میڈے شہر اچ تعینات ہک حوالدار عارف میڈی کپڑ چھانڑ کرنڑ آیا ہا میں صرف ایہو سوچ ت بھج گیا ہم جو اےگال بعد اچ پچھسی تھپ پہلےمریسی,آخر بھج ونجن وی جوان دا کم ہے.خیر ایں سارےمعاملے وچ کجھ قصور انہیں دا اپنڑاں وی ہےجڈاں دا وردیاں وٹیجنڑ دا کاروبار شروع تھۓ عوام آکھنڑ لگ گئ ہے جو ڈٹھےوےتاں اےمن گائن جو عوام انہیں توں ڈردی ہے.اصل اچ انہیں کوں کوئ مخلص نئ ٹکریا اگر عوام دےدل وچو پولیس دا ڈر کڈھنڑے تاں وردی بھلے کوئ ہووےتساں انہیں دےہتھو کاٹھی آلا ڈنڈا کھس تےکیپسٹن دا ڈنڈا ڈےتےچوک اچ کھڑا کر ڈیو تےآرڈر کر ڈیووآندےویندے کوں جذبہ خیر سگالی (اے لوظ اجکل ویسےوی بہوں مشہور تھیا ودے) دےتحت ہک ہک سگریٹ ونڈی رہون یقین کرو عوام بہوں مانوس تھی ویسی تےشاعر تاں باقاعدہ پولیس دی شان اچ متروک صنف قصیدہ لکھ لکھ تےرانا ثناءاللہ تے واڈا کوں وی شرما ڈیسی.
آلیاں بھنوالیاں