پوجا ہیگڑے

پوجا ہیگڑے
(انگریزی : Pooja Hegde)
معلومات شخصیت
ڄم	13 اکتوبر 1990ء (35 سال)  ممبئی، مہاراشٹر
قومیت	بھارتی
اکھیں دا رنگ	بھورا
والیں دا رنگ	کالا
قد	5 فٹ 8 انچ
مذہب	ہندومت
عملی زندگی
تعليم	M.Com
پیشہ	ماڈل اور اداکارہ
پیشہ ورانہ زبان	تیلگو ،  ہندی ،  تولو
کارہائے نمایاں	الا ویکنٹھاپورمولو
	IMDB پر صفحہ

پوجا ہیگڑے ہک بھارتی ماڈل تے اداکارہ ہن۔ پوجا ہیگڑے دی پیدائش ممبئی، مہاراشٹر وچ تھئی۔ پوجا ہیگڑے دا خاندان کرناٹک دے اڈپی ضلع نال تعلق رکھیندا ہے۔ پوجا کوں ہندی زبان دے علاوہ تلگو، انگریزی، کناڈا تے تمل زبان تے وی مکمل عبور حاصل ہے۔ اوہ مس یونیورس انڈیا 2010ء دے مقابلہ حسن وچ ݙوجھے نمبر تے آئی ہن، جیندے بعد انہاں نے فلماں وچ کم کرݨ شروع کر ݙتیاں۔

کیریئر

پوجا کوں اپݨے کالج دے ݙیہاڑے توں فیشن تے ماڈلنگ دا شوق ہئی، ایں وجہ توں اوہ اسکول تے کالج دے ݙیہاڑے توں ہی تمام مقابلیاں وچ حصہ ڳھندی ہئی۔ پوجا ہیگڑے سال 2009ء وچ مس فیمینا انڈیا دے نصف مقابلے تک پہنچ ڳئی ہن پر مقابلے توں باہر تھی ڳئی ہن۔ ایندے بعد انہاں نے ول سال 2010ء وچ مس یونیورس انڈیا مقابلے کیتے درخواست ݙتی تے ایں مقابلے وچ اوہ سیکنڈ رنر اپ رہیں۔ ایں مقابلے دے بعد انہاں کوں جنوبی ہند دیاں فلماں وچ کم کرݨ دا موقع ملیا۔ انہاں نے اپݨے کیریئر دا آغاز تامل فلم "مگمودو" نال کیتا، ایں فلم وچ انہاں دے ساتھی اداکار جیوتھا ہن۔ ایندے بعد اوہ تلگو فلم "اوکا لیلی کوسم" وچ ناگ چیتنیہ دے نال نظر آئی۔ حال ہی وچ انہاں نے چرنجیوی دے بھتریجے ورن تیجا دے نال فلم "مکند" وی کیتی ہے۔ 2016ء وچ پوجا ہیگڑے اشوتوش گواریکر دی فلم "موئن جو دڑو" وچ ہریتک روشن دے نال مرکزی کردار وچ نظر آئی۔

پوجا ہیگڑے نے اپݨے کیریئر وچ مختلف ٻولیاں دیاں فلماں وچ کم کیتا ہے تے انہاں دی اداکاری تے خوبصورتی کوں ہمیشہ سراہیا ڳیا ہے۔ اوہ نہ صرف ہندوستانی فلم انڈسٹری بلکہ جنوبی ہند دیاں فلماں وچ وی ہک مقبول اداکارہ دے طور تے مشہور ہن