پنڈتا رما بائی

پنڈتا رما بائی
پنڈتا رما بائی سرسوتی
معلومات شخصیت
پیدائش	23 اپریل 1858ء کراوالی، مدراس پریزیڈنسی، برطانوی ہند کے صوبے اور علاقے
وفات	سانچہ:D-da بمبئی پریزیڈنسی، برطانوی ہند
شہریت	برطانوی ہند
عملی زندگی
پیشہ	سماجی مصلح، نسائیت پسند
پیشہ ورانہ زبان	مراٹھی ،  انگریزی
کارہائے نمایاں	دی ہائی کاسٹ ہندو ویمن

پنڈتا رما بائی سرسوتی (23 اپریل 1858ء — 5 اپریل 1922ء) ہندوستان دی ہک سماجی مصلح تے آزادی تے تعلیم نسواں دی علم بردار ہَن۔ اوہ پہلی زنانی ہَن جنّھاں کوں سنسکرت عالم دی حیثیت نال کلکتہ یونیورسٹی نے پنڈتا تے سرسوتی دا خطاب ݙتا۔

پنڈتا رما بائی سماجی کارکن، دانشور، حقوق نسواں، آزادی تے تعلیم نسواں دی علم بردار ہَن۔ پنڈتا رما بائی نے جدوجہد آزادی وچ وی حصہ گھِدّا تے 1889ء دے کانگریس اجلاس دی ݙس زنانی ارکان وفد وچوں ہک ہَن۔

ابتدائی زندگی تے تعلیم

پنڈتا رما بائی سرسوتی 23 اپریل 1858ء کوں پیدا تھئیں۔ انّھاں دے والد اننت شاستری ڈونگرے سنسکرت دے عالم ہَن تے انّھاں دی والدہ لکشمی بائی ڈونگرے اننت شاستری دی ݙوجھی زال ہَن۔ رما بائی دا پیدائشی ناں "رما ڈونگرے" ہئی۔ اننت شاستری نے اپݨی ݙوجھی زال یعنی رما بائی دی ماں تے رما بائی کوں سنسکرت دے متون پڑھائے۔ جݙݨ 1877ء دے قحط وچ انّھاں دے والدین لقمہ اجل تھی ڳئے تاں انّھاں نے اپݨے بھائی شری نواس دے نال مل تے اپݨے والد دے کم کوں جاری رکھݨ دا فیصلہ کیتا۔ ݙوہاں بہݨ بھائی نے سارے ہندوستان دا سفر کیتا۔ حتیٰ جو رما بائی دی تقریر دی شہرت کلکتہ پہنچی تاں اتھاں دے پنڈتاں نے انّھاں کوں کلکتہ آنے دی دعوت ݙتی۔

1878ء وچ کلکتہ یونیورسٹی نے انّھاں کوں پنڈتا تے سنسکرت متون تے انّھاں دی تشریحات دے اعزاز وچ سرسوتی جیہے اعلیٰ خطاب نال سرفراز کیتا۔ الٰہیاتی مصلح کیشب چندر سین نے انّھاں کوں ویداں دا ہک نسخہ ݙتا جیڑھا ہندو ادب وچ سب توں مقدس سمجھا ویندا ہے تے انّھاں کوں وید پڑھݨ دی ترغیب ݙتی۔

1880ء وچ شری نواس دی وفات دے بعد رما بائی نے بنگالی وکیل بپن بہاری میدھوی نال شادی کیتی۔ بپن بہاری بنگالی کائستھ ہَن، ایں طرح ایہ شادی ݙو مختلف ذات دا بندھن ہئی ایں سانگے اینکوں مناسب نی سمجھا ڳیا۔ 13 نومبر 1880ء کوں ہک شہری تقریب وچ ݙوہاں رشتہ ازدواج وچ منسلک تھئے۔ انّھاں دی ہک بیٹی ہئی جیندا ناں منورما ہئی۔

رما بائی نے فیصلہ کیتا جو اوہ ہندوستان وچ زنانیاں دی بہبود کِیتے زندگی بھر جدوجہد کریندی رہسِن۔ انّھاں نے انّھاں مسائل دا گہرائی نال جائزہ گھِدّا جو ہندوستانی زنانیاں خصوصاً ہندو زنانیاں کوں درپیش ہَن۔ اوہ نکاح نابالغاں دی سخت مخالف ہَن کیونکہ ایں دی وجہ نال نابالغ بیوگی دا خطرہ وڄݨ پون٘دا ہئی۔ نابالغ بیواؤں کِیتے انّھاں نے ہک اسکول قائم کرݨ دا منصوبہ بݨا رکھّا ہئی جو انّھاں دے شوہر 1882ء وچ وفات پا ڳئے۔