پندھ دی تکلیف
کجھ پندھ اینجھے ھوندن جیرھے پیریں. کوں زخمی کریندن پر کجھ پندھ اینجھے ھوندن جیرھے روح کو زخمی کریندن .سیانڑے آھدن پندھ اوکھا ھوندے بھانویں ڈو قدمیں دا ھووے
.ساکوں پندھ دے ڈکھیں تکلیفیں دا پتا تھوں نیں لگدا پیاء جو اساں حالی پندھ شروع ھیں نیں کیتا اساں سرائیکی لوک حالی تاں پندھ کرنڑ دی صلاح کریندے ودے ھیں .کوئ اگر کٹھا تھی وی آندے اساں بنی اسرائیل دی قوم وانگوں پچھو تیں تھی کھڑدے ھیں یا وت ایں گال تیں اڑ ویندے ھیں ھر قوم دا آپڑاں رستہ ھووے دریا وچو بارہ سڑکاں کڈھو ۔ماء بولی سانجھی ہے اوندا عالمی ڈینھ ہکا کٹھ کر کے منایا ونج سگدے۔پَر نیں اساں ڈو چار دیاں ٹولیاں بنڑا کے آپڑیں جھنڈے چاء کے وکھو وکھ تھی کے تماشہ بنڑسوں ۔
میکوں تاں اج تک سرائیکی جھنڈے دی سمجھ نیں لگ سگی سرائیکی اگوانڑیں دی سمجھ مٹی لگڑیں ھے ۔مزے دی گال اے ھے سوشل میڈیا تے اساں چند لوک ہوندے ہاسے جیرھے سرائیکی صوبہ دی گال کریندے ہاسے ہُنڑ تاں ہک قافلہ ھے میڈی فرینڈز لسٹ ءچ وڈے وڈے پردھان سرائیکی قوم پرست شامل ہَن جڈاں میں سچ الائے ہک ادھ قوم پرست ان فرینڈز کر کے میکوں منافقت دے القاب ڈے خود بابائے سرائیکی بنڑ بیٹھے ۔خیر میکوں پریں کروں پندھ کٹھے کرو سوچ ہکا رکھو جھنڈا ہکو بنڑاؤ. جمیل بلوچ