Jump to content

پشپا کماری کوہلی

وکیپیڈیا توں
پشپا کماری کوہلی
پشپا ڪماري ڪوهلي
معلومات شخصیت
پیدائش 1990

ضلع میرپور خاص, سندھ, پاکستان

شہریت پاکستان   ویکی ڈیٹا پر (P27) کی خاصیت میں تبدیلی کریں
عملی زندگی
مادرِ علمی ڈاؤ یونیورسٹی آف ہیلتھ سائنسز

پُشپا کماری کوہلی (اردو: پشپا کماری کوہلی، کنوں) پاکستان وِچ پولیس افسر بݨن آلی پہلی ہندو زنانی ہِے۔ سندھ پبلک سروس کمیشن دے ذریعے صوبائی مسابقتی امتحان پاس کرݨ دے بعد اُوہ صوبہ سندھ وِچ اسسٹنٹ سب انسپکٹر پولیس (اے ایس آئی) دی حیثیت نال تعینات ہِے۔[١][٢][٣]

ابتدائی حیاتی

[لکھو | ماخذ وچ تبدیلی کرو]

پُشپا کماری کوہلی 1990ء وِچ کوہلی سیڈولڈ ذات ہندو ٹٻّر وِچ ڄَمّی ہَئی۔ پُشپا نے صوبہ سندھ ضلع میرپور خاص دے سامارو قصبے وِچ ہِک متوسط طبقے دے ٹٻّر وِچ پرورش گِھدّی۔ انّھاں دے پِیؤ گروسری سٹور چلین٘دے ہِن اَتے این٘دی اَمّاں محکمہ اَبادی وِچ فیملی پلاننگ افسر دی حیثیت نال کَم کرین٘دی ہِن۔

پُشپا کماری نے سن 2014ء وِچ ڈو یونیورسٹی آف ہیلتھ سائنسز کنوں انتہائی نگہداشت وِچ گریجویشن کِیتا ہَئی۔ [٤]

پُشپا نے آبائی شہر سامارو وِچ ہِک غیر سرکاری تنظیم ماری سٹاپس سوسائٹی وِچ کَم کِیتا۔ بعد وِچ اُوہ میڈیکل دے شعبے وِچ آ ڳئی۔ 2018ء تئیں ٹروما سنٹر وِچ ہِک انتہائی نگہداشت یونٹ (آئی سی یو) دے تکنیکی ماہرین دی حیثیت نال کَم کِیتا۔ 2018ء وِچ، اِیں نے اسسٹنٹ سب انسپکٹر پوسٹ کِیتے عرضی ݙِتّی اَتے جنوری 2019ء وِچ پبلک سروس کمیشن دا مسابقتی امتحان پاس کِیتا، جین٘دے وِچ اُوہ کوالیفائی تھئی اَتے اسسٹنٹ سب انسپکٹر پولیس (اے ایس آئی) بݨ ڳئی۔ [٤]

پُشپا کماری دی شادی نارائن داس نال تھئی ہے، جہڑا بحریہ ٹاؤن وِچ بطورِ سُپر وائزر کَم کرین٘دا ہِے۔ اُوہ اِیں ویلے کراچی وِچ رہن٘دے پئے ہِن۔ اِین٘دا مَنّݨاں ہِے جو آپݨی بِیادری دیاں ٻئے چھوہِرِی اَتے زنانیاں این٘دے کنوں متاثر تھی تے پولیس، فوج، فضائیہ یا بحریہ وِچ کَم دا چوݨ کر کے رَلّݨ دا فین٘صلہ کریسِن۔[٤]

  1. Ashfaq Ahmed (4 ستمبر 2019)۔ "Pushpa has become the first Pakistani Hindu girl to serve as police officer in Sindh Pakistani Hindu girl Pushpa from Sindh province takes over as Assistant Sub Inspector"۔ Gulf news۔ اخذ شدہ بتاریخ 2020-09-16
  2. "Pak's Sindh province get first Hindu woman police officer"۔ Indian Express۔ 4 ستمبر 2019۔ اخذ شدہ بتاریخ 2020-09-16
  3. Kamna Arora (5 ستمبر 2019)۔ "Pakistan: In a historic first, Hindu girl inducted into Sindh Police; here's how Twitter reacted"۔ Pakistan news۔ اخذ شدہ بتاریخ 2020-09-16
  4. ٤.٠ ٤.١ ٤.٢ https://tribune.com.pk/story/2049475/upwards-onwards-sindh-police-appoints-first-hindu-woman-asi?amp=1