پریا راج ونش

پریا راجونش
(ہندی : प्रिया राजवंश)
فائل:Priya rajvansh.jpg Priya Rajvansh
معلومات شخصیت
ڄم	1937 شملہ
وفات	27 مارچ 2000 ممبئی
طرز وفات	قتل
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
مادر علمی	رائل اکیڈمی آف ڈرامیٹک آرٹ (–1958)
تخصص تعلیم	اداکاری
پیشہ	اداکار
پیشہ ورانہ زبان	ہندی
	IMDB پر صفحہ

پریا راجونش ہک بھارتی فلمی اداکارہ ہن۔ ان دا پورا ناں ویرا سندر سنگھ ہا۔ اوہ ہندی زبان دی فلم ہیر رانجھا (1970ء) تے ہنستے زخم (1973ء) کیتے مشہور ہن۔ انھاں نے اپݨے کیرئر وچ کئی بہترین فلمیں ݙتیاں ہن۔

حالات زندگی

پریا دا حقیقی ناں ویرا سندر سنگھ ہا۔ انھاں دی پیدائش جہلم وچ تھئی تے تقسیم دے بعد ایندا خاندان شملہ منتقل تھی ڳیا۔ اتھاں انھاں نے ابتدائی تعلیم حاصل کیتی۔ بعد وچ ایندے پیو لندن چلیے ڳئے تے انھاں نے لندن ہی وچ تعلیمی سلسلے کوں اڳوں ودھایا۔ پیو اقوام متحدہ وچ ملازم ہن۔مشہور ہدایتکار چتن آنند دی ہک فلم توں پریا نے فلمی سفر دا آغاز کیتا جیندے وچ چتن آنند دے بھرا دیو آنند نے انھاں دے نال کم کیتا۔ ایہ فلم تقسیم ہند دے موضوع تے بݨدی پئی ہئی پر ولا ایں فلم تے کونٹروورسی چھڑ ڳئی تے فلم بند کرݨی پئی۔ بعد وچ فلم حقیقت توں پریا ہک واری ولا سکرین تے جلوہ افروز تھئی ۔ فلم ہیر رانجھا وچ ہیر دا کردار ادا کر کے پریا نے اوں کوں امر کر ݙتا۔ ویہہ سال دے کریئر وچ پریا نے بمشکل نال اٹھ فلمیں کیتیاں تے ایہ ساریاں چتن آنند دیاں فلمیں ہن۔ پریا کوں ستیہ جیت رے تے راج کپور اپݨیاں فلمیں وچ گھنݨ چاہندے ہن پر انھاں نے انکار کر ݙتا۔ پریا چتن آنند توں عمر وچ ویہہ سال چھوٹی ہن تے جݙݨ انھاں دی ملاقات چتن نال تھئی، چتن اپݨی پہلی ذال توں الڳ تھی چکیے ہن۔ چتن تے پریا دے کٹھے رہوݨ لڳے پر انھاں نے کݙاہیں شادی نہ کیتی۔ پریا چتن دا ٻہوں خیال رکھیندی ہائی تے انھاں دے آخری ویلے تک انہاں دے نال رہی۔ چتن دی پہلی ذال توں ݙو پتر ہن جیہڑے پریا کوں پسند نہ کریندے ہن۔ چتن نے مرݨ توں پہلے اپݨی جائداد دا وݙا حصہ پریا دے ناں کر ݙتا ہا تے ایں ڳالھ تے چتن دے پتر ناخوش ہن۔

کیرئر

ایندیاں بہترین فلمیں وچ 1986ء دی فلم ہاتھوں دیاں لکیراں ہن جیندے وچ انھاں نے مالا آر سنگھ یادو دا کردار کیتا۔ 1981ء دی فلم قدرت وچ انھاں نے کرونا دا کردار کیتا۔ 1977ء دی فلم صاحب بہادر وچ ایندے کردار دا نام مینا ہا۔ 1973ء دی فلم ہندوستان دی قسم وچ اوہ موہنی دے ناں نال پردے تے نظر آئی۔ 1970ء دی فلم ہیر رانجھا ٻہوں مشہور ہئی جیندے وچ انھاں نے ہیر دے کردار کوں امر کر ݙتا۔ 1964ء وچ فلم حقیقت آئی جیندے وچ ایندے کردار دا نام انگمو ہا۔

ذاتی زندگی

پریا تے چتن آنند کٹھے رہندے ہن تے آپس وچ ڳھاٹے تعلقات ہن۔ انھاں دے کولوں ݙو گھر ہن۔ ایندے ݙو بھرا کملجیت سنگھ تے پدمجیت بالترتیب سنگھ لندن تے ریاستہائے متحدہ امریکا وچ پلیے ودھیے۔ ایندا آبائی گھر چنڈی گڑھ وچ ہئی۔

وفات

27 مارچ 2000ء کوں پریا دا قتل کر ݙتا ڳیا تے چتن دے ݙوہیں پتریں کوں عمر قید دی سزا تھئی۔