پرہلاد نگر
راجہ ہرناکشپ دے خاتمے دے نال ای سِڄ دیوتا دی پوجا وی بند تھی ڳئی پرہلاد جی دی تعلیم دے مطابق ملتان دے لوک خالص خُدائے واحد دی پرستش کرݨ لڳے اَتے کشپ پور دا ناں وی پرہلاد نگر پے ڳِیا۔ بھان٘ویں جو بعد وِچ ملتان نے کئی ناں اختیار کِیتے، پَر اِیں ناں کوں اُوں نے کݙان٘ہیں نِھیں بُھلایا۔ ہالی وی ہُݨ وی متھرا اَتے کانشی کَن ہندو رشی اِیکوں پرہلاد نگری آہدے ہِن۔[١] [٢]۔ ݙُو صدیاں تئیں ملتان اُتے اہلِ توحید دا غلبہ ریہا، پَر جہڑیلے پرہلاد دا پوترا بانا گدّی اُتے ٻیٹھا تاں اُون٘دے حریف راجہ سنبہ نے اُوکوں ہَرا ݙِتّا اَتے مُلتان اُتے قبضہ کر گِھدّا۔ اَتے اِین٘دا ناں وی آپݨے ناں اُتے سنب پور رکّھیا۔ سِج دی پُوجا کوں جہڑی پرہلاد دے دور وِچ مُک ڳئی ہَئی وَلا رائج کِیتا۔ اُوں نے آدتیہ دے ناں نال سورج دیوتا دا ہِک سوہݨاں بُت بݨوایا اَتے اُوکوں جلوس دی صورت وِچ گِھن آ کے آدتیہ استھان ناں دے مندر وِچ رکھوا ݙِتّا۔ اِیہو بُت بعد وِچ مولا استھان دے ناں نال مشہور تِھیا۔ [٣]
ٻِیا ݙیکھو
[لکھو | ماخذ وچ تبدیلی کرو]حوالے
[لکھو | ماخذ وچ تبدیلی کرو]- ↑ مولانا نور احمد خان فریدی، تاریخ ملتان (جلد اوّل)، قصر الادب رائٹرز کالونی، ملتان۔صفحہ نمبر 45۔
- ↑ پرہلاد مندر دی حیثیت ہر زمانے وِچ ہندو یونیورسٹی دی رہی ہِے۔ پَرے پَرے کنوں ہندو طالبانِ علم تے ادب ملتان آ کے اِیں عظیم درس گاہ کنوں عِلم گِھن٘دے ہَن۔ اِیں یونیورسٹی نے وݙے وݙے ودیا دان ڄمائے۔ اِیہ تئیں جو ہِک محقق دا وِچار ہِے جو منو جی وی اِیں درس گاہ کنوں تعلیم گِھدّی ہَئی۔ مناں بھگت دے ناں نال چناب دے مَݨ تے جہڑا استھان واقع ہِے۔ اُون٘دے وِچ ای منو جی نے شاستر مدوّن کِیتے ہَن۔ جہڑیلے شیخ الہند معین الدین اجمیری علیہ الرحمۃ لاہور کنوں اجمیر دے ارادے نال ٹُرݨ لڳّے تاں خواب وِچ حضرت داتا گنج بخش علیہ الرحمۃ نے انّھاں کوں فرمایا جو پہلے تُساں ملتان ون٘ڄ کے سنسکرت دی تعلیم گِھنّو، وَل منزلِ مقصود کن ٹُرو۔ تہوں حضرت شیخ الہند نے پنڄ ورھیں ملتان وِچ رَہ کے سنسکرت دا عِلم گِھدا اَتے وَل آپݨے ٻیلیاں دے رَلّے اجمیر روانہ تھئے اندازہ اِیہو ہے جو حضرت نے پرہلاد یونیورسٹی کنوں ای استفادہ کِیتا ہوسی۔
- ↑ مولانا نور احمد خان فریدی، تاریخ ملتان (جلد اوّل)، قصر الادب رائٹرز کالونی، ملتان۔صفحہ نمبر 46۔