پرکاشی تومر

پرکاشی تومر جیڑھیاں شوٹر دادی تے روالور دادی دے ناں نال وی ڄاݨیاں ویندیاں ہن، ہک معمر زنانی نشانے باز ہن۔ انّھاں دی پیدائش بھارت دی ریاست اتر پردیش دے مظفرنگر ضلع وِچ 10 جنوری 1937 وِچ تھئی ہئی۔ اوہ اتر پردیش دے باغپت دے جوہڑی گاؤں وِچ رہندیاں ہن تے اپݨی جیٹھانی چندرو تومر دے نال نشانے بازی دے مقابلیاں وِچ حصہ گھندیاں ہن۔

انّھاں نے ایہ پیشہ چُݨݨ دا فیصلہ اوں ویلے کیتا جݙاں زیادہ تر لوک امید چھوڑ ݙیندن، یعنی 60 سال توں زیادہ عمر وِچ۔ 65 سال دی عمر وِچ جݙاں انّھاں نے شوٹنگ رینج وِچ ویچݨ شروع کیتا تاں لوکاں، خاص کر مَرداں نے انّھاں دا ٻہوں مذاق بݨایا تے طرحاں طرحاں دے طعنے ݙتے، جیویں "جا، جا کے فوج وِچ بھرتی تھی جا" یا پھر "کارگل چلی جا" وغیرہ، پر ایہ سب انّھاں دے عزم کوں توڑ نہ سڳے۔ تنقید کوں نظرانداز کریندے ہوئے انّھاں نے اپݨے مقصد تے دھیان مرکوز رکھیا، جیڑھا نہ صرف انّھاں کوں شہرت دی بلندی تے پُڄایا بلکہ معاشرے، ناقدین تے آنوݨ والیاں پیڑھیاں کیتے ہک مثال قائم کیتی۔ ہُݨ انّھاں دی دِھی سیما تومر ہک بین الاقوامی نشانے باز ہن تے گاؤں دے لوک انّھاں دا ناں فخر تے عزت دے نال گھندن۔

ابتدائی زندگی

آٹھ ٻالاں دی ماں پرکاشی دے 15 پوتے پوتیاں ہن۔ اوہ مشرقی اتر پردیش وِچ موجود باغپت ضلع دے جوہڑی گاؤں دی رہائشی ہن تے ایہ محض ہک اتفاق ہئی جݙاں انّھاں نے پہلی واری درست نشانہ لایا ہئی۔ ایہدی شروعات سن 2000 وِچ تھئی جݙاں انّھاں دی دِھی سیما تومر، جیڑھی ہُݨ شوٹنگ دے زمرے وِچ عالمی سطح تے ڄاݨی وڳݨ والا ناں ہن، نے شوٹنگ سکھݨ کیتے جوہڑی رائفل کلب وِچ داخلہ گھدا۔ حالانکہ سیما شوٹنگ سکھݨ چاہندی ہئی پر اکیلے شوٹنگ رینج ویچݨ وِچ گھبراندی ہئی۔ تے پرکاشی نے سیما دا حوصلہ وݙاوݨ دا فیصلہ کیتا تے انّھاں دے نال اکیڈمی ویچݨ دی ٹھانی۔ ایہی روالور دادی دی شروعات ہئی۔

اکیڈمی وِچ سیما کوں ݙکھاوݨ کیتے پرکاشی نے خود ہی بندوق چاکی تے نشانہ لایا، جیڑھا ݙیکھ کے اتّھاں موجود سبھے لوک، یہاں تک جو کوچ پھاروکھ پٹھان وی حیران رہ ڳئے۔ ایہی او موقع ہئی جݙاں کوچ نے پرکاشی دے ہنر کوں پچھاݨا تے انّھاں کوں اکیڈمی وِچ داخلہ گھنݨ دا مشورہ ݙتا۔ ایہ پرکاشی کیتے ہک نویں دور دی شروعات ہئی، پر راہ رکاوٹاں نال بھری پئی ہئی۔ پرکاشی ہک گھریلو زنانی ہن۔ ایں سانگے انّھاں دا روز تربیت کیتے اکیڈمی ویچݨ ممکن نہ ہئی۔ ایں وجہ نال کوچ نے انّھاں کوں ہفتے وِچ ہک ݙینہہ آوݨ دی صلاح ݙتی تے باقی ݙینہہ اوہ گھر تے ہی نشانہ بازی دا ریاض کریندیاں ہن۔ تب توں ہی اوہ اپݨی کامیابی دی کہانی لکھدی پئی ہن۔ ایہو نئیں، انّھاں دیاں دھیاں وِچوں سیما تومر نشانہ بازی دے عالمی کپ وِچ کوئی میڈل جیت کے گھن آوݨ والی پہلی بھارتی زنانی ہن۔ ایہ کارنامہ انّھاں نے 2010ء وِچ کیتا ہئی۔ ایں دوران، پرکاشی دادی تے سیما تومر نے ملک بھر وِچ منعقد تِھیوݨ والے مقابلیاں وِچ 25 میڈل جِتّے ہن تے معمر نشانہ بازی مقابلے (ویٹیرن شوٹنگ چیمپئن شپ) وِچ سونے دا تمغہ وی جِتیا ہئی، ایہ مقابلہ چینائی وِچ منعقد تھیا ہئی۔ ایں توں وی اڳاں، اوہ لوک جیڑھے شروع وِچ پرکاشی دا مذاق بݨیندے ہن، ہُݨ اپݨیاں دھیاں کوں انّھاں کول نشانہ بازی سکھݨ کیتے بھیڄدے ہن۔

ذاتی زندگی

پرکاشی تومر ہک بھارتی بزرگ زنانی نشانہ باز ہن جنّھاں دی پیدائش بھارت دے اتر پردیش ریاست دے مظفرپور ضلع وِچ 1 جنوری 1937 وِچ تھئی ہئی۔ پرکاشی دی شادی جے سنگھ نال تھئی ہئی تے انّھاں دی دِھی سیما تومر ہک عالمی نشانہ باز ہن۔ درحقیقت سیما عالمی نشانہ بازی کھیل اتحاد دی جانب توں منعقد عالمی کپ وِچ چاندی دا میڈل جیتݨ والی پہلی بھارتی زنانی ہن تے موجودہ طور تے اوہ بھارتی فوج وِچ خدمت کرین٘دی پئی ہن۔ پرکاشی دی پوتی روبی انسپیکٹر دے طور تے پنجاب پولیس وِچ خدمت کرین٘دی پئی ہن جݙاں جو انّھاں دی دِھی ریکھا نشانہ بازی چھوڑ چُکی ہن۔

انعامات تے اعزازات

بھارت سرکار دی زنانیاں تے ٻالاں دی فلاح و بہبود دی وزارت دی جانب توں انّھاں کوں 'آئکن لیڈی' انعام نال وی نوازیا ڳیا ہئی تے سال 2016ء وِچ انّھاں کوں ملک دی 100 کامیاب زنانیاں وِچ شامل کیتا ڳیا ہئی۔ ایں دے علاوہ راشٹرپتی بھون وِچ انّھاں کوں بھارت دے سابق صدر پرنب مکھرجی دے نال دوپہر دی ضیافت وِچ مدعو کیتا ڳیا ہئی۔

پرکاشی، سٹار ورلڈ تے عامر خان دے شو ستیہ میو جیتیے تے کلرس ٹی وی دے مشہور شو انڈیاز گاٹ ٹیلینٹ وِچ وی شامل تھی چُکیاں ہن۔ گوگل انڈیا دے ویمین ول پروگرام وِچ ممبئی بلا کے وی انّھاں کوں اعزاز پیش کیتا ڳیا ہئی۔

پرکاشی تومر نے نشانہ بازی دی شروعات تقریباً ڈیڑھ دہائی پہلے کیتی ہئی۔ اوہ اپݨی پوتی تے دِھی کوں نشانہ بازی سکھاوݨ کیتے شوٹنگ رینج گھن ویندی ہَن۔ پوتی کوں سکھاوݨ دی کوشش وِچ جݙاں ہک ݙینہہ انّھاں نے خود بندوق چاکی۔ کوچ راجپال نے انّھاں کوں حوصلہ ݙتا تے انّھاں دی جیٹھانی چندرو تومر نے وی انّھاں دے نال نشانہ بازی سکھݨ شروع کیتی۔

پرکاشی تے چندرو نے کئی مقابلیاں وِچ حصہ گھدا ہئی تے تقریباً 20 میڈل جِت چُکیاں ہن۔ پرکاشی دی دِھی سیما تومر عالمی سطح دی نشانہ باز ہن، جیڑھی شوٹنگ دے عالمی کپ وِچ چاندی دا تمغہ جیتݨ والی پہلی بھارتی زنانی ہن۔ سیما نے ایہ خطاب 2010ء وِچ جِتیا ہئی۔