پروٹین
حمیہ یا پروٹین (Protein) دراصل مکثورہ (Polymer) سالمات ہن جو نکے سالمات یا موحود (Monomer) نال مل تے بݨدن۔ ایں موحود سالمات کوں امائنو ایسڈ آکھیا ویندے۔
پروٹین دا کم
[لکھو | ماخذ وچ تبدیلی کرو]پروٹین مالیکیولز دا مجموعہ ہوندے۔ پروٹین امائنو ایسڈز نال مل تے بݨدے۔ پروٹین دا کم جسم وِچ تھیوݨ والے تمام کیمیائی عوامل وِچ عمل انگیزی دا کم کرݨ، جسم دے خلیات دی ودھا، ٹوٹ پھوٹ تے ڈی این اے بݨاوݨ ہے۔ ایہ خلیات دی مرمت کریندے۔ جنہاں ٻالاں کوں پروٹین کائنی ملدی، انہاں دا قد تے وزن رک ویندے۔ پروٹین دی وجہ نال جسم وِچ آکسیجن دے جذب تھیوݨ دی رفتار درست رہندی ہے۔ ایندی غیر موجودگی وِچ خون دے رتے ذرات دی گِݨتی گھٹ تھی ویندی ہے۔ ایہ ساݙے جسم وِچ ایندھن دا کم ݙیندے تے ساݙے جسم کوں طاقت تے حرارت پُڄا تے قوت ݙیندے۔ انسانی خلیے وِچ پاݨی دے بعد سبھ توں اہم مالیکیول امائنو ایسڈ ہوندن۔
پروٹین دے فائدے
[لکھو | ماخذ وچ تبدیلی کرو]پروٹین انسانی جسم دے ودھارے کیتے بنیادی کردار ادا کریندے۔ پروٹین دی کمی دا مطلب پتلاپن، وال ڈھاوݨ، جسمانی کمزوری، یاداشت دی کمی، سُوکھے دا روگ، جسمانی تھکاوٹ تے ٹوٹ پھوٹ، غرض جو پورا جسم متاثر تھیندے۔ جسم دے عضلات ودھاوݨ سانگے پروٹین دا کردار بنیادی ہے۔ ایہو وجہ ہے جو باڈی بلڈر حضرات پروٹین دی مقدار دا خاص خیال رکھدن۔ جے تساں فربہ تھیوݨ چاہندو، وزن ودھاوݨ چاہندو، پتلاپن ختم کرݨ چاہندو تاں ٻہوں پروٹین کھاؤ۔
پروٹین دے ذرائع
[لکھو | ماخذ وچ تبدیلی کرو]پروٹین دے اہم ترین ذرائع ایہ ہن: - 100 گرام ککڑ (بریسٹ پِیس) کنوں 30 گرام پروٹین
- 100 گرام مچھی کنوں 26 گرام پروٹین
- 100 گرام پنیر کنوں 32 گرام پروٹین
- 100 گرام بیف (گائے دے گوشت) کنوں 36 گرام پروٹین
- 100 گرام لوبیا (چٹا، رتا، ساوا) کنوں 18 گرام پروٹین
- 100 گرام مسور دی دال کنوں 26 گرام پروٹین
- 100 گرام چݨیاں وِچ 19 گرام پروٹین
- 100 گرام آناں کنوں 13 گرام پروٹین
- 100 گرام کھیر کنوں 6 گرام پروٹین
- 100 گرام خشک میوے (مثالً بادام، پستہ، مونگ پھلی) کنوں 33 گرام پروٹین