پربھا عطرے

پربھا عطرے
معلومات شخصیت
پیدائش	13 ستمبر 1969ء   پونے
تاریخ وفات	13 جنوری 2024ء (55 سال)
شہریت	بھارت برطانوی ہند ڈومنین بھارت (15 اگست 1947–13 جنوری 2024)
عملی زندگی
مادر علمی	ایس این ڈی ٹی جامعہ برائے خواتین
پیشہ	استاد موسیقی
اعزازات
پدم وبھوشن   (2022)  فنون میں پدم شری    پدم بھوشن   سنگیت ناٹک اکادمی ایوارڈ
ویب سائٹ
ویب سائٹ	باضابطہ ویب سائٹ

پربھا عطرے (انگریزی: Prabha Atre) (پیدائش: 13 ستمبر 1932ء - وفات: 13 جنوری 2024ء) کیرانہ گھرانے نال تعلق رکھݨ آلی ہِک بھارتی کلاسیکی موسیقی گلوکارہ ہَن۔ انّھاں کوں حکومت ہند دی طرفوں ترِیہاں پدم ایوارڈ نال نوازیا ڳیا ہئی۔

ابتدائی زندگی تے تعلیم

پربھا عطرے پونے وِچ ابا صاحب تے اندرابائی عطرے دے گھر ڄَمّیاں ہَن۔ بچپن وِچ پربھا عطرے تے اِنّھاں دی بھیݨ، اوشا، موسیقی وِچ دلچسپی رکھدیاں ہَن، پر ݙوہائیں وِچوں کِسے نے وی موسیقی کوں کیریئر دے طور تے اڳّوں ٹُورݨ دا ارادہ نہ کِیتا۔ جِہڑیلے پربھا عطرے 8 سال دیاں ہَن، اندرابائی دی صحت ٹھیک کِینئی ہئی تے ہِک دوست دے آکھݨ تے جو کلاسیکی موسیقی دے اسباق نال انّھاں کوں بہتر محسوس کرݨ وِچ مدد مِلسی، انّھاں نے کُجھ اسباق گِھدّے۔ اِنّھاں اسباق کوں سُݨ کے پربھا عطرے کوں کلاسیکی موسیقی سِکھݨ دی تحریک مِلّی۔

اِنّھاں دی موسیقی دی تربیت گرو شیشی روایت وِچ ہئی۔ اِنّھاں نے ہندوستانی کلاسیکی موسیقی سریش بابو مانے تے ہیرابائی بڑودکر توں کیرانہ گھرانہ توں سِکّھی۔ اوہ اپݨی گائیکی تے ݙو ٻئے عظیم گلوکاراں، امیر خان (خیال) تے بڑے غلام علی خان (ٹھمری) دے اثر کوں تسلیم کریندیاں ہَن۔ اِنّھاں نے کتھک رقص دے انداز دی باقاعدہ تربیت وی حاصل کِیتی ہئی۔

موسیقی دی تعلیم دے دوران، پربھا عطرے نے پونے دے فرگوسن کالج توں بیچلر آف سائنس دی ڈگری حاصل کِیتی۔ بعد وِچ اِنّھاں نے پونہ یونیورسٹی دے لا کالج توں ایل ایل بی (فاضل القانون) مکمل کِیتا۔ اِنّھاں نے گندھاروا مہاودیالیہ منڈل (سنگیت الانکار (موسیقی دا ماسٹر))، ٹرینیٹی لابان کوسرویٹوار آف میوزک اینڈ ڈانس، لندن (ویسٹرن میوزک تھیوری گریڈ-چہارم) وِچ وی تعلیم حاصل کِیتی ہئی۔ بعد وِچ اِنّھاں نے موسیقی وِچ پی ایچ ڈی وی کِیتی۔ اِنّھاں دے ڈاکٹریٹ دے مقالے دا عنوان "سرگم" ہئی تے اِیندا تعلق ہندوستانی کلاسیکی موسیقی شاستری سنگیت وِچ سول-فا نوٹ (سرگم) دے اِستعمال نال ہئی۔

وفات

اوہ سانس گِھنݨ وِچ دشواری دا سامݨاں کرݨ دے بعد 13 جنوری 2024ء کوں انتقال کر ڳئیاں جِہڑیلے انّھاں کوں دیناناتھ منگیشکر اسپتال گِھنّے ونڄݨاں ہئی۔ اوہ حرکت قلب بند تِھیوݨ نال ہسپتال پُڄݨ توں پہلے ہی انتقال کر ڳئیاں ہَن۔