پراݨے ویلے دے چور

پہلے زمانے دی گال سنڑدے ھیں بڈھے لوک ڈسیندن جو کوئ وی چور یا بدمعاش ھووے ھا ,او ,آپڑیں وسیب دا( مندا) نھی منگدا ,آپڑیں وسیب اچ نہ چوری کریندا ھا نہ تھیونڑ ڈیندا ھا ,اوں ویلھے نہ تعلیم ھئ نہ علم ھا ,,پر انھیں لوکیں دے کجھ اصول ھن ,جیندے اتیں او قائم رھندے ھن , زمانے ترقی کیتی ,وقت پاسہ پلٹے ,اج چور بدمعاش پہلے گھر کنیں شروع تھیندے ,جتناں جدید دور آندا گۓ ,چور تیں بدمعاش وی جدید تھیندے گئین ,جیویں اجکل نوجوان نسل دے ناں چھوٹے تھیندے ویندن ,مثلا" جمی ,نومی ,ببلو ,کامی ,کاشی ,وغیرہ ,ایویں,چور بدمعاشیں آپڑیں ناں وی جدید رکھ ڈتن ,پہلے زمانے چوریں دے ناں ھوندے ھن ,فضلو گجر ,ڈتا ھڈوار ,جلب سیانڑی ,عزیزا جروار ,,, ھنڑ جدید دور ھے آجکل چوریں ڈاکو تیں بدمعاشیں دے ناں ھن ,, کونسلر ,وائس چیئرمین ,چئیرمین ,ایم پی اے ,ایم این ,اے ,,, ,,میں پہلے وی عرض کیتی ھے پہلے زمانے دے چور وسیب دی چوری ننھ کریندے ,بے وسیب اچو وی صرف انھیں چیزیں دی چوری کریندے ھن ,,منجھ گاں بکری لیلا اُٹھ ,کہیں دی عزت چوری نہ کریندے ھن، اجکل دے تعلیم یافتہ چور ,,سولنگاں سڑکاں سکول ھسپتال ,تیں گٹر دے ڈکھنڑ چوری کریندن ,, صدقے صدقے ٹھراں ٹھراں ,,,,,,,,,کوئ بکری چاء گئے تاں چور ھا، تھانڑے دُرکدے ھیں پرچہ کٹواء کے منجھ جتناں پیسے لاء کے بکری ولویندے ھیں، مگر جیرھے چور ساڈیاں ھسپتال سکول کالج تیں روڈ دے فنڈ کھادئن اوندی گڈی تیں جُتیاں سٹنڑ دے بجائے ھار سٹیئن سے، واہ شعور. ، جمیل بلوچ.