پران

ہندو مت دی مذہبی کتاباں وچ سب توں وݙا درجہ ’’ویداں‘‘ دا ہے جنہاں دے بارے وچ انہاں دا عقیدہ ہے کہ اے ’’ایش وانی‘‘ یعنی خدا دا کلام ہے۔ ’’وید‘‘ چار ہن:

1. رگ وید: اے سب توں پراݨا وید ہے اتے ایندے وچ دیوتاواں دی تعریف وچ ترانے ہن۔
2. یجور وید: ایں وید وچ قربانی دے منتر اتے رسومات درج ہن۔
3. سام وید: ایں وید وچ او منتر ہن جیہڑے سوم یاگ دے دوران ڳائے ویندن۔
4. اتھرو وید: ایں وید وچ جادو، ٹونے اتے روز مرہ زندگی دے مسائل دے حل کیتے منتر درج ہن۔

ان چار ویداں دے علاوہ اپنشد، پُران اسمرتیاں وغیرہ کوں انہاں دی مذہبی کتاباں دا درجہ حاصل ہے۔ انہاں دی کل تعداد ’’مترمشر‘‘ دے مطابق 57 ہے اتے محقق ’’نیل کنڑ‘‘ دے مطابق 97 ہے۔ ہک ٻئے ہندو محقق ’’کملاکر‘‘ نے انہاں دی تعداد 131 ݙسائی ہے۔