پدمنی

پدمنی
(تمل : பத்மினி)
معلومات شخصیت
ڄم	12 جون 1932ء   تریوینڈرم
وفات	25 ستمبر 2006ء (74 سال)  چنئی
وجہ وفات	دورۂ قلب
طرز وفات	طبعی موت
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت
عملی زندگی
پیشہ	فلم اداکارہ ،  ٹیلی ویژن اداکارہ ،  رقاصہ ،  فلمی ہدایت کارہ ،  ادکارہ
پیشہ ورانہ زبان	ملیالم
اعزازات
فلم فیئر اعزاز برائے بہترین معاون اداکارہ (برائے:کاجل ) (1966)
دستخط
	IMDB پر صفحہ

پدمنی نے 16 سال دی عمر وچ اپݨے کریئر دا آغاز ہندی فلم "کلپنا" (1948ء) وچ ڈانسر دے طور تے کیتا۔ انہاں نے تقریباً 30 سال تک 250 دے قریب فلماں وچ کم کیتا۔ پدمنی نے ہندوستانی سنیما وچ کئی مشہور اداکاراں دے نال کم کیتا، جنہاں وچ سیواجی گنیسن، ایم جی رام چندرن، این ٹی راما راؤ، راج کپور، شمی کپور، پریم نذیر، راجکمار، جیمنی گنیسن تے ایس ایس راجندرن شامل ہن۔ اوہ سیواجی گنیسن دے نال 59 فلماں وچ نظر آئین۔ پدمنی زیادہ تر تامل فلماں وچ اداکاری کریندی ہئی۔ انہاں دیاں ݙو بھیݨیں للیتا تے راگنی وی فلمی اداکارہ تے رقاصہ ہن، تے ایہ ترائے بھیݨیں"ٹراونکور بہݨاں" دے ناں نال مشہور ہن۔

ابتدائی زندگی

پدمنی جنوبی بھارت دی ہک مشہور بالی ووڈ اداکارہ ہن۔ اوہ تھرو اننتا پورم وچ پیدا تھئین۔ انہاں نے کلاسیکی رقص وچ مہارت حاصل کیتی تے اپݨے فلمی سفر دا آغاز جنوبی بھارت دی فلماں نال کیتا۔ پدمنی نے تمل، ملیالم، تیلگو تے کنڑ زباناں وچ کئی کامیاب فلماں کیتیاں، لیکن بالی ووڈ دی شہرت انہاں کوں ممبئی ڳھن آئی۔

فلمی کریئر

پدمنی دی تامل وچ پہلی فلم "ایزائی پدم پڈو" (1950ء) ہئی۔ سیواجی گنیسن دے نال انہاں دی رفاقت دا آغاز 1952ء وچ فلم "پانام" نال تھیا۔ انہاں دیاں کجھ مشہور تامل فلماں وچ "سمورنا رامائنم" (1958ء)، "تھانگا پدھمائی"، "انبو"، "کٹو روزا"، "تھلنا موہنمبل"، "ویتنام ویڈو"، "ایدر پارادھاٹھو"، "منگیئر تھلکم" تے "پوو پوچوڈاوا" شامل ہن۔ ملیالم فلماں وچ انہاں دیاں مشہور فلماں "پرسننا"، "واواہیتھا"، "ادھیاپیکا"، "کمارا سمبھوم"، "نوکیتھدوراتھو کننم ناٹو"، "واستھوہرہ" تے "ڈولر" شامل ہن۔

بالی ووڈ وچ پدمنی دی راج کپور دے نال جوڑی ٻہوں مقبول تھئی۔ انہاں دیاں مشہور فلماں "میرا نام جوکر" تے "جس دیش میں گنگا بہتی ہے" شامل ہن۔ پدمنی نے راج کپور دے نال ہک ٻئی فلم "عاشق" (1962ء) وی کیتی۔ انہاں دیاں ٻیاں بالی ووڈ فلماں وچ "امردیپ" (1958ء)، "پائل" (1957ء)، "افسانہ" (1966ء)، "واسنا" (1968ء)، "چندا اور بجلی" (1969ء) تے "بابو بھائی مسٹری دی مہابھارت" (1965ء) شامل ہن۔

شادی تے امریکا ہجرت

پدمنی نے رامچندرن نال شادی دے بعد فلمی دنیا کوں الوداع آکھ ݙتا تے امریکا چلی ڳئین۔ فلمیں چھوڑݨ دے بعد وی اوہ رقص نال جڑی رہین تے 1977ء وچ نیو جرسی وچ "پدمنی سکول آف فائن آرٹس" قائم کیتا۔ ایہ اسکول انڈین کلاسیکی رقص دی تعلیم ݙیندا ہے تے امریکا دے وݙے تے قدیم سکولاں وچ شمار تھیندا ہے۔

انتقال

پدمنی دا انتقال چنئی (مدراس) وچ دل دے دورے نال تھیا۔ اوہ بھارتی سنیما دی ہک عظیم اداکارہ تے رقاصہ ہن، جنہاں دے فن تے کامیابیاں نے انہاں کوں ہمیشہ دے لیے یادگار بݨا ݙتا ہے۔