پدمجا نائیڈو

پدمجا نائیڈو
مناصب
گورنر بنگال
برسر عہدہ 3 نومبر 1956  – 1 جون 1967
f9f9f9; color:#000; margin: 0 0 0 0; border-collapse: collapse;" دھرم ویر
معلومات شخصیت
پیدائش	17 نومبر 1900ء   حیدر آباد
وفات	2 مئی 1975ء (75 سال)  نئی دہلی
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
جماعت	انڈین نیشنل کانگریس
رکنیت	نیشنل فلیگ پریزنٹیشن کمیٹی
والدہ	سروجنی نائیڈو
عملی زندگی
پیشہ	سیاست دان
اعزازات
پدم وبھوشن

پدمجا نائیڈو (17 نومبر 1900ء - 2 مئی 1975ء) ہک بھارتی آزادی پسند تے سیاست دان ہَن جیڑھیاں 3 نومبر 1956ء توں 1 جون 1967ء تک مغربی بنگال دی 5ویں گورنر ہَن۔ اوہ سروجنی نائیڈو دی دِیہتری ہَن۔

ابتدائی زندگی

پدمجا نائیڈو دی ڄَمَّݨ حیدرآباد وِچ ہک بنگالی ماں تے تیلگو پیو دے گھر تِھئی۔ اُنہاں دی ماں شاعرہ تے بھارتی آزادی پسند سروجنی نائیڈو ہَن۔ اُنہاں دے پیو متیالا گووندراجولو نائیڈو ہک طبیب ہَن۔ اُنہاں دے چار بھیݨ بھرا ہَن، جیسوریا، لیلامانی، نیلاور تے رندھیر۔

سیاسی زندگی

21 سال دی عُمر وِچ، اُنہاں نے حیدرآباد دی نظام حکومت والی شاہی ریاست وِچ انڈین نیشنل کانگریس دی مشترکہ بُنیاد رکھی۔ اُنہاں کوں 1942ء وِچ "ہندوستان چھوڑ دو تحریک" وِچ حصہ گِھنݨ دے جرم وِچ جیل بھیڄ ݙتا ڳیا ہئی۔ آزادی دے بعد اوہ 1950ء وِچ بھارتی پارلیمان کِیتے چُݨیاں ڳئیاں۔ 1956ء وِچ اوہ مغربی بنگال دی گورنر مقرر تِھیاں۔ اوہ ریڈ کراس نال وی وابستہ ہَن تے 1971ء توں 1972ء تک انڈین ریڈ کراس دی چیئرمین ہَن۔

ذاتی زندگی

آپݨی زندگی دے اوائل وِچ، مریم جناح (قائد اعظم محمد علی جناح دی ݙوجھی زال ہَن۔ شادی دے ویلے اوہ آپݨا پارسی مذہب تبدیل کر تے مسلمان تِھی ڳئی ہَن تے اُنہاں دا اسلامی ناں مریم جناح ہئی۔) دی قریبی سہیلی ہَن جیڑھیاں بعد وِچ پاکستان دے بانی محمد علی جناح نال شادی کیتی۔ پدمجا نائیڈو دے نہرو خاندان دے نال گہرے تعلقات ہَن، بشمول جواہر لعل نہرو تے اُنہاں دی بھیݨ، وجیا لکشمی پنڈت دے نال۔ پنڈت نے بعد وِچ اندرا گاندھی دے دوست تے سوانح نگار پپل جیکر کوں ݙسایا جو پدمجا نائیڈو تے نہرو کئی سالاں تک نال رہے۔ نہرو نے پدمجا نال شادی کِیوں نہ کیتی کیوں جو اوہ آپݨی دِیہتری اندرا کوں تکلیف نئیں ݙیوݨ چاہندے ہَن۔ تاہم، پدمجا نے اِیں امید تے کݙاہیں شادی نہ کیتی جو نہرو ہک ݙینہہ پروپوز کریسن۔ ریٹائر تِھیوݨ دے بعد، پدمجا 1975ء وِچ اپݨی موت تک تین مورتی بھون اسٹیٹ دے ہک بنگلے وِچ رہیاں، جیڑھا وزیر اعظم نہرو دی سرکاری رہائش گاہ تے بعد وِچ اُنہاں دی یاد کِیتے وقف ہک عجائب گھر ہئی۔

میراث

دارجلنگ وِچ پدمجا نائیڈو ہمالین زولوجیکل پارک اُنہاں دے ناں تے رکھیا ڳیا ہِے۔