پاک آرمی تے سرائیکی حقوق

پاک آرمی تے سراٸیکی حقوق

لکھت: ڄام اظہرمرادلاڑ

سراٸیکی وسیب دے حقوق دی تحریک کوں ستر سال تھی گن۔بدقسمتی نال ایں تحریک کوں عوامی تحریک دی بجاٸے دانشوریں,ادیبیں دی تحریک دے طور تے ہمیشہ پذیراٸی تھیندی رہیے۔سیاسی جماعتیں ایں تحریک کوں سیاسی کارڈ تے بیرونی این جی اوز نے اپنڑی کماٸی دا ذریعہ بنایا ہویا ہے۔سراٸیکی حقوق دی تحریک اتنا وڈا ایشو ہے جے اگر اے بٸی قوم نال درپیش ہوندا تاں اج او سیاسی دانشمندی تے عسکری قوتیں نال ڈاٸیلاگ تے عوامی تحریک دے ذریعے ایندے حل دے کہیں نتیجے تے ضرور پج ونجے ہا۔اساڈی تحریک اچ شامل ڈھگ سارے لوک سیاسی چھتری دے سایے تلوں سراٸیکی حقوق دا جیڑھا جھنڈا چاٸی کھڑن او تحریک کوں فاٸیدے دی بجاٸے نقصان ڈیندا پٸے۔ایں تحریک کوں اصل اچ عوامی تے سیاسی نقصان اپہے جے لوک ڈیندے کھڑن۔کڈھیں بھیڈے والی کار پی ٹی آٸی,کڈھیں پی پی تے کڈھیں ن لیگ دے پیڑ تے سراٸیکی حقوق دے ناں تے وسیب دے لوکیں کوں اندھارے اچ خاب ڈکھیندا کھڑے ہن۔میں سمجھنداں اساکوں حقوق دے ناں تے بیوقوف بنایا گے۔ وسیب دے وچ وسن الے لوکیں دا اصل نظریہ اے ہے جو اساں اصل پاکستانی ہوو۔اساڈے دل پاکستان نال دھڑکدے ہن۔فوج اساڈے ملک تے وسیب دی نظریاتی تے جغرافیاٸی محافظ اے۔جیوے جو ناراض بلوچیں کوں حقوق دے ناں تے پیکج ڈتنیں۔فاٹا دے علاقیں کوں معاشی تے لسانی تحفظ ڈے تے قومی دھارے اچ شامل کیتنیں ایویں سراٸیکی وسیب دے حقوق دی بحالی تے صوبے قیام سانگے اساڈی عوام عسکری قوتیں دی طرف ڈیکھدی کھڑی ہے۔اساں آرمی چیف تے عسکری قوتیں توں پرزور مطالبہ کریندوں جو سراٸیکی قوم دی آخری امید تساں توں اے۔ملک دی عدلیہ,حکومتاں تے سیاستدان وسیب دے مجرم ہن۔سراٸیکی قوم انصاف دے حصول کیتے پاکستان دی آرمی توں آخری امید دے طور تے ڈہدی کھڑی ہے۔