پاکستان کنوں پہلے دی ڳال

وݙے پاکستان کنوں  پہلے دی ہک ڳال کریندن جو اعلان تھی ڳیا ہا ،آکھدے ہن جو کِراڑ یں  کوں  ہندوستان بھیڄیسن، کِراڑ ݙریے ودے ہن، سکھیں  مسلمانیں  نال کھڑاند شروع کر ݙتی ہئی، اتھاں  وی کم شروع تھی ڳیا ،ہک کِراڑ پسنجر تے رحیم یار خان ویندا پیا ہا ، گاݙی دے اندر لوکیں  اونکوں  ماریا تے لہولہان کرتے دھریجہ پھاٹک تے سٹ ڳے ، وݙے اکھیندن او شودا ہسپتال پجݨ توں  پہلے مر ڳیا ہا، میں  ہندوستان کانفرنس تے ڳیا تاں  میکوں  ہک بندہ (ناں  بھلیا کھڑے) ملیا تے آکھیا جو اساں  خانپور شہررہندے ہاسے،۔ صدر بازار دے نال محلے ء ِچ گھر ہن، ول اے تھیا جو او بندہ آیا حال حویلہ تھیا جو میݙے ڈاݙے کوں  مار تے خان پور تے سہجے دے اَدھ ء ِچ سٹیا ہانے میݙا ݙاݙا رحیم یار خان پیشی تے ویندا پیا ہا ہیں  ݙسیا جو اوہا اسیݙی وستی ءِ تے دھریجہ پھاٹک اکھیندن، اوں  آکھیا میں  تاں  اوں ویلے ماء دا کھیر پیندا ہم ابا ݙسیندے ہن شیت او میݙا ݙاݙا ہووے۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان