پاکستانی افواج

پاکستان دے دفاع دا ذمہ دار ادارہ عسکریہ پاکستان یا پاکستان مسلح افواج ہے۔ عسکریہ پاکستان کوں پاکستان دا سب توں منظم تے ترقی یافتہ ادارہ سمجھا ویندے۔ ایندے ترئے وݙے حصے ہن جیہڑے ایہ ہن:

• پاک فوج (Pakistan Army)
• پاک فضائیہ (Pakistan Air Force)
• پاک بحریہ (Pakistan Navy)

پاکستان فوجی افرادی قوت دے اعتبار نال 7 ویں نمبر تے ہے۔ اگر 302000 نیم فوجی اداریاں دے افراد وی شامل کر گھدے ونڄن تاں پاک عسکریہ دی مضبوط افرادی قوت 1000000 تک پہنچ ویندی ہے۔ پاک عسکریہ ہک نہایت منظم ادارہ ہے جس وچ اختیاری طاقت دا ہک مکمل تے متوازن نظام موجود ہے۔ 1947ء وچ قیام پاکستان دے بعد توں ہݨ تک بیشتر عرصہ پاکستان تے پاک فوج حکومت کر چکی ہے۔ پاکستانی معاشرے وچ پاک عسکریہ کوں بے پناہ عزت حاصل ہے۔ عوام ایں ادارے کوں اپݨی حفاظت دا ذمہ دار تے اپݨی قربانیاں دا امین تصور کریندی ہے۔ قوم 6 ستمبر کوں یوم دفاع منیندی ہے، جیہڑا پاک بھارت جنگ 1965ء وچ پاک عسکریہ دی بے مثال جرات و بہادری دی یاد وچ منایا ویندا ہے۔ پاک عسکریہ تے جی ڈی پی دا تقریبا 4.9 فی صد خرچ کیتا ویندے۔ پاکستان اے اپݨی کم از کم دفاعی ضروریات کوں پورا کرݨ کیتے کریندے جیہڑا ایندی سالمیت کیتے ضروی سمجھا ویندے۔ پاکستان جس خطے وچ واقع ہے اتھاں دفاعی قوت دی زبردست دوڑ ہے۔

تاریخ

1947ء وچ قیام پاکستان توں پہلے پاک عسکریہ، ہندوستانی فوج دا حصہ ہیی۔ ایں لحاظ نال ایں نے تاج برطانیہ دے زیر اثر پہلی جنگ عظیم تے ݙوجھی جنگ عظیم وچ وی حصہ گھدے۔ تقسیم برصغیر دے بعد ہندوستانی فوج پاکستان تے بھارت وچ بالترتیب 36% تے 64% دے تناسب وچ تقسیم تھی ڳئی۔ اوں وقت اعلان تھیا کہ کوئی وی فوجی جیں وی فوج وچ ونڄݨ چاہندے تاں اونکوں مکمل اجازت ہے۔ اوں وقت بہت سارے مسلمان فوجی، پاک عسکریہ وچ شامل تھی ڳئے۔ تقسیم دے وقت بھارت وچ 16 آرڈینس فیکٹریاں ہن جبکہ پاکستان وخ ہک وی نہ ہئی۔ الحمد اللہ ہݨ پاکستان کافی حد تک دفاعی اعتبار نال خود کفیل تھی ڳیا ہے لیکن بھارت کوں اپݨا دفاعی تباسب برقرار رکھݨ کیتے وݙے طاقتاں توں خریداری کرنا پوندی ہے جس تے خطیر زر مبادلہ خرچ تھیندے۔