پاول موڈرچ
پاول موڈرچ: امریکی بایو کیمیاء دان تے نوبل انعام یافتہ سائنسدان
[لکھو | ماخذ وچ تبدیلی کرو]پاول لارنس موڈرچ (ڄمݨ 13 جون 1946) ہک امریکی بایو کیمیاء دان ، ڈیوک یونیورسٹی اچ جیمز بی ڈیوک پروفیسر آف بایو کیمسٹری تے ہاورڈ ہیوز میڈیکل انسٹی ٹیوٹ اچ انویسٹیگیٹر ہن ۔ او ڈی این اے مس میچ ریپیئر تے انہاں دی تحقیق کیتے ڄاݨئے ویندن ۔ موڈرچ کوں 2015 دا نوبل انعام کیمسٹری اچ عزیز سانکار تے ٹامس لنڈاہل دے نال مشترکہ طور تے ݙتا ڳیا ۔
ابتدائی زندگی تے تعلیم
[لکھو | ماخذ وچ تبدیلی کرو]موڈرچ 13 جون 1946 کوں راٹن ، نیو میکسیکو اچ لارنس موڈرچ تے مارگریٹ میک ٹرک دے گھر پیدا تھیا ہا ۔ انہاں دا ہک چھوٹا بھرا ڈیو ہے ۔ انہاں دے پیو ہک حیاتیات دے ٹیچر تے راٹن ہائی سکول اچ باسکٹ بال ، فٹ بال تے ٹینس کیتے کوچ ہن جتھوں انہاں 1964 اچ گریجویشن کیتی ہائی ۔ موڈرچ کروئیشین ، مونٹینیگرین ، جرمن تے سکاٹش (گیلیک) نسل نال تعلق رکھدن ۔ انہاں دے پیو دے ݙاݙا ، کروئیشین نسل دے ، شئیت زادار دے نیڑے چھوٹے جئے قصبے موڈریچی توں ہن ، تے مونٹینیگرین نسل دی ݙاݙی ، ݙونہیں انویہویں صدی دی چھیکڑ اچ ساحلی کروشیا توں ریاستہائے متحدہ ہجرت کر ڳئے ہن ۔ انہاں دے نانکے خاندان جرمن تے سکوچ-آئرش نسل دے ہن ۔ موڈرچ 1980 اچ ساتھی سائنسدان وکرز برڈیٹ نال شادی کیتی ۔
موڈرچ 1968 اچ میساچوسٹس انسٹی ٹیوٹ آف ٹیکنالوجی توں بی ایس دی ڈگری حاصل کیتی تے بعد اچ 1973 اچ سٹینفورڈ یونیورسٹی توں پی ایچ ڈی دی ڈگری حاصل کیتی ۔ انہاں ہک سال (1973–1974) ہارورڈ میڈیکل سکول اچ چارلس سی رچرڈسن دی لیب اچ پوسٹ ڈاک دے طور تے اپݨی تحقیق جاری رکھی ۔
سائنسی پرکھ پرچول
[لکھو | ماخذ وچ تبدیلی کرو]موڈرچ 1974 اچ یونیورسٹی آف کیلیفورنیا ، برکلے دے کیمسٹری ڈیپارٹمنٹ اچ اسسٹنٹ پروفیسر بݨ ڳیا ۔ او 1976 اچ ڈیوک یونیورسٹی دی فیکلٹی اچ شامل تھئے تے 1995 توں ہاورڈ ہیوز انویسٹیگیٹر ریہے ہن ۔ او بنیادی طور تے اسٹرینڈ ڈائریکٹڈ مس میچ ریپیئر تے کم کریندن ۔ انہاں دی لیب ݙیکھایا کہ ڈی این اے مس میچ ریپیئر کیویں ڈی این اے پولیمریز توں غلطیاں کوں روکݨ کیتے ہک کاپی ایڈیٹر دے طور تے کم کریندا ہے ۔ میتھیو میسلن پہلے مس میچز دی سنڄاݨ دی موجودگی تجویز کیتی ہائی ۔ موڈرچ ای کولی اچ مس میچ ریپیئر دا مطالعہ کرݨ کیتے بایو کیمیکل تجربات کیتے ۔ انہاں بعد اچ انساناں اچ مس میچ ریپیئر نال جڑی پروٹینز دی ڳول کیتی ۔
آدر تے ایوارڈ
[لکھو | ماخذ وچ تبدیلی کرو]موڈرچ ولوں حاصل کردہ آدر تے ایوارڈ اچ شامل ہن
1983 اینزائم کیمسٹری اچ فائزر ایوارڈ
1996 کینسر ریسرچ اچ جنرل موٹرز چارلس ایس موٹ انعام
1998 کینسر ریسرچ کیتے رابرٹ جے تے کلیئر پاسارو فاؤنڈیشن میڈیکل ریسرچ ایوارڈ
2000 فیوڈور لینن میڈل
2005 امریکن کینسر سوسائٹی میڈل آف آنر
2015 کیمسٹری دا نوبل انعام
2016 بایومیڈیکل سائنسز اچ آرتھر کورنبرگ تے پاول برگ لائف ٹائم اچیومنٹ ایوارڈ
موڈرچ امریکن اکیڈمی آف آرٹس اینڈ سائنسز دے فیلو تے نیشنل اکیڈمی آف میڈیسن تے نیشنل اکیڈمی آف سائنسز دے ممبر ہن ۔