پابلو پکاسو

دور جدید دا سب توں وݙا مصور، تجریدی مصوری دا موجد۔ شہر ملاگا ’’سپین‘‘ وچ پیدا تھیا۔ جوانی بارسلونا وچ بسر تھئی۔ جتھاں پیؤ اکیڈیمی آف آرٹس وچ پروفیسر ہاسی۔

پابلو پکاسو 25 اکتوبر 1881ء کوں مالاگا ( اسپین ) وچ پیدا تھیا۔ ایندے والد آرٹ دے ٹیچر ہن۔ ایندے والدین بعد وچ لاکارونا نامی شہر منتقل تھی ڳئے ہن جیہڑا بحر اطلانتک دے علاقے وچ واقع ہے ۔ پکاسو نے ابتدا ہی توں روایتی تعلیم توں بغاوت کیتی۔ ایندے والد نے جیہڑے ویلے بیٹے دی ڈرائنگز ݙٹھیاں تاں اپݨے پینٹ تے برش پکاسو دے حوالے کر ݙتے تے ول کݙہیں خود پینٹ نہ کیتا۔ اڳوں چل کے اوہ میڈرڈ چھوڑ کے ہورٹاڈي نامی ایبرو نامی پہاڑي گاؤں وچ وس ڳیا ہئی۔ 1900ء وچ اینکوں پہلی سولو نمائش دی اجازت ملی ۔

پکاسو پیش رو ہئی ہک ماسٹر ہئی تے ہک دیو مالائی عفریت، ویہویں صدی دی ہر تحریک وچ ایندا ہتھ ہئی۔ 1904ء و پیرس جیہے آرٹ دے مرکز وچ رہݨ لڳا۔ ایندے اسٹوڈیو دا ناں Bateau Laboir ہئی ۔