پائی خیل

پائی خیل (Paikhel)، پاکستان، سرائیکی وسیب دے ضلع میانوالی وچ واقع ہے۔ پائی خیل نیازی قبیلے دی ہک او معروف شاخ ہے جیں نے ایں گرانہہ دی بنیاد لکی مروت توں نقل مکانی دے بعد رکھی۔ ایں گرانہہ وچ دیگر اقوام ڄٹ ،اعواݨ، ویرالی، لوہار، کنبھار الغرض پیشہ ور اقوام وی آباد ہن۔ نیازی پٹھاݨاں دا ایہ قبیلہ مزید شاخاں وچ تقسیم ہے جیویں کہ فتح خان خیل، چنݨ خیل، راجو خیل، کبی خیل، قتال خیل ،پہلوان خیل وٖغیرہ اہم ہن۔ حاجی اکرام اللہ خان نیازی پائی خیل سابقہ صوبائی وزیر جیل خانہ جات تے جنگلات و آبپاشی مشہور شخصیت گزرے ہن۔ علاوہ سلیم اللہ خان سابقہ پنجاب اسمبلی ممبر وی شامل ہن،۔ نیازیاں دے ایں قبیلے نے احمد شاہ ابدالی دے نال عیسیٰ خیل دے نیازی خوانین دے زیر سایہ پاݨی پت دی لڑائی وچ حصہ گھدا جبکہ کشمیر جہاد وچ وی نیازی پشتوناں دے لشکر وچ اپݨے قبائلی سردار شیر علی خان نیازی پہلوان خیل دی قیادت وچ خان غلام رسول خان نیازی ٖغازی کشمیر رئیس عیسیٰ خیل دی قیادت وچ شامل تھئے۔

پائی خیل ریلوے اسٹیشن

پائی خیل ریلوے اسٹیشن، پائی خیل، تحصیل و ضلع میانوالی وچ واقع ہے۔ پاکستان ریلویز دی سرکاری ویب سائٹ دے مطابق پائی خیل ریلوے اسٹیشن دا کوڈ PIK ہے۔ ایں وقت وی ایہ اسٹیشن پاکستان ریلویز دے استعمال وچ ہے۔