ٻیٹھا کول راہویں
دل ݙیویں یا نہ ݙیویں ٻیٹھی کول راہویں
میݙے نال ڈھولا بھاویں نہ اَلاویں
چنگی کوئی نئیں ہوندی نِت لڑائی
میں سہہ نہ سڳساں تیݙی جُدائی
دل ݙیویں یا نہ ݙیویں ٻیٹھا کول راہویں
ہر شرط ڈھولا پوری کریساں
اَکھیاں توں اوڈھر ہووݨ نہ ݙیساں
دل ݙیویں یا نہ ݙیویں ٻیٹھا کول راہویں
جیویں توں اَکھیسیں اُونویں کریساں
وَٹا مار جیویں چا کے میں ݙیساں
دل ݙیویں یا نہ ݙیویں ٻیٹھا کول راہویں
حوالہ
[لکھو | ماخذ وچ تبدیلی کرو]سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان