ٻوہڑ دروازہ

ملتان دا اپݨا ناں ٻہوں وݙا ہے ، آکھیا ویندے جو ست ہزار سالیں توں ایں شہر دا ݙیوانی وسمیا ۔ ملتان دے نال ملتان دی ہر شئے دی اپݨی تریخ اے ، جیویں ٻوہڑ دروازہ۔ بلند و بالا تاریخی عمارتاں صدیاں تک انسانی زندگی دا حصہ رہندیاں ہِن ۔ویلھے دی وہوک اُنہاں تے اپݨے نشانات چھوڑ ویندی ہے لیکن اِنہاں عمارتاں دی مضبوطی گزریے وقتاں دی نشانی دے طور تے محفوظ رکھی ہے۔ ملتان شہر دی تاریخی باقیات دنیا بھر وچ ملتان دی شناخت دا حوالہ ہِن ۔ دنیا بھر توں آوݨ والے سیاح متحیر نظراں نال اُنہاں عمارتاں کوں ݙیکھدے ہِن جݙاں جو اہل ملتان کوں اُنہاں تاریخی عمارات دے بارے وچ کُئی خاص معلومات کائنی ۔ ملتان دے قدیم دروازے تاریخی باقیات اِچ خاص اہمیت دے حامل ہِن ۔ ایہ تاریخی دروازے اَڄ وی ملتان دی تاریخی عظمت دی علامت ہِن ۔ ملتان دے اِنہاں قدیم دروازیاں اِچوں ہک ٻوہڑ دروازہ ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء