ٻوہاری
میݙی ݙاڈی ریل دی وٹ توں تیلیاں کپ اَمدی ہئی، سُکا تے ٻوہاری بݨیندی ہئی، ٻوہاری کم آوݨ آلی شئے ہوندی اے، سویل سویل اللہ رسول دے ناں دے بعد عورتاں ٻوہاری نال گھر صاف کریندین پہلے کوٹھے تے ولا اڳواڑ ،سیاݨیاں اڳواڑ دے دروازے تے گلی تئیں صفائی کر اَمدین، ݙاݙی آکھدی ہئی صفائی کیتی کرو کتا وی پچُھ مارتے ٻہندے۔ ڈھور ڈھانڈے آلی جاہ پہلے ݙندالی نال صاف کریندے ہن ولا کُروی مٹی پیندے ہن تے اُتوں ٻوہاری پھیر چھڑیندے ہن۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان