ٻوک

حیاتی دیاں ٻئیاں لوڑاں آلی کار ٻوک (اردو: جنسی خواہش، انگریزی: Sexual desire) وی ہِک بنیادی لوڑ ہے جہڑی مرد اَتے تریمت ݙُون٘ہائیں وِچ بغیر کئیں شک تے شبہ دے فطری طور تے موجود ہے۔ اِین٘دا اکثر ذِکر انسانی معاشرے دے ضمن وِچ تِھین٘دا ہے، تاہم ایہ آس نہ صرف انساناں وِچ موجود ہے، بلکہ اِیہ زانوراں دا وی ہِک حِصّہ ہِے۔ اِین٘دی تسکین اَتے تکمیل دے ذریعے زانور وی جوڑے بݨین٘دے ہِن جین٘دے نتیجے وِچ اُوہ یا تاں انڈرے ݙین٘دے ہِن یا براہِ راست ٻال ڄمین٘دے ہِن۔ انسان دا جنسی ردِ عمل، سماجی، ہارمونی، جسمانی اتے نفسیاتیعنصراں دا ڳݙمَݙ مجموعہ ہے۔ اِنّھاں وِچوں اکثر دے بارے وِچ مغالطے پائے وین٘دے ہِن۔ معاشرہ جہڑے عمل کوں ٻوک / جنسی ٻُکھ دے طور تے قابلِ قبول سمجھدا ہے اِین٘دے وِچ ہِک کردار ادا کرین٘دا ہے: مذہبی عقیدے، ٹٻّر دیاں قدراں اَتے پرورش سب انسان دے رویّے اتے جنسی آساں دے بارے اہم کردار ادا کرین٘دے ہِن۔ بالغاں مرداں وِچ ٹیسٹرون اَتے زنانیاں وِچ آسٹروجن دے ہارموناں دا اُتار چڑھا قبل از جنسی سرگرمی نوجوانی کنوں بلوغت دی تبدیلی وِچ ٻہوں اہم ہون٘دا ہِے۔

ٻوک پوری نہ تھیوݨ تے جھیڑے

مرداں تے زنانیاں وِچٻوک دی عدم تکمیل انّھاں ݙُون٘ہائیں دے ذاتی تکلیفاں دے علاوہ سماج وِچ وی انتشار دا سبب بݨ سڳدیاں ہِن۔ کئی مرد جہڑے گھر اُتے آپݨیاں خواہشاں دی تکمیل نِھیں کر سڳدے، اُوہ اکثرغیر زوجی جنسی تعلق یا آبرو ریزی کَن مائل تھین٘دے ہِن۔ اِنّھاں وِچوں اوّل الذکر کُجھ مُلکاں وِچ قنونی طور تے جرم کائے نِھیں، پر کُجھ ٻئے مُلکاں وِچ سماجی قباحت دے نال نال ہِک ݙاڈھا جُرم وی ہے۔  

ٻِیا ݙیکھو

• شادی
• جِنسیّت دی محدودیّت
• زنان پُݨاں