ٻولی بھوم دی سُنڄاݨ
انگریزی ادبیات وچ ایم اے کرݨ والے ناصر عباس دی اے کتاب لسانیات اُتے اُردو تے انگریزی مواود دا ست وی ہے اَتے سرائیکی زبان دے مسائل دی تشریح وی ہے ۔ کتاب 6ابواب وچ تقسیم کیتی ڳئی ہے ۔ پہلے ترائے ابواب ٻولی بھوم دی سونہہ ، اہمیت ، اقسام تے ٻولی دیاں خصلتاں تے ہن ۔ آخری ترائے ابواب وچ سرائیکی ٻولی ، اوندا پنجابی نال تعلق تے سرائیکی لکھت دے مسئلے خاص طور انفی صورتاں دے مسئلے تے درگھی بحث موجود ہے ۔ اے کتاب سائنسی انداز وچ لسانی تحقیق تے اہم کم ہے ۔ کتاب دا دیباچہ جاوید چانڈیو لکھیے ۔ اَتے ظہور دھریجہ نے کتاب تے تبصرہ کیتے۔ تے آکھیے جو
’’ ٻولی بھوم دی سُنڄاݨ اپݨے موضوع دے اعتبار نال منفرد حیثیت رکھدی ہے تے ناصر عباس رضوی مبارکباد دے حقدار ہن جو اُنہاں ٻولی بھوم دی سُنڄاݨ دے حوالے نال تحقیق دا ہک نواں در کھولیے ۔‘‘
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی