ٻلپݨ دیاں کہاݨیاں

ایہ کہاݨیاں چھی ست سال دی عمر دے ٻالاں کیتے ہِن ۔ ایہ محض چار پنج لائناں دیاں کہاݨیاں ہوندین ۔ ایہ مقصدی کہاݨیاں ہوندین انہاں دا مقصد ٻالیں کوں زبان نال متعارف کراوݨ تے اُنہاں کوں تفریح مہیا کرݨ ہوندے ۔ ٻالیں کوں نیکی تے بدی بارے ݙسیا ویندے ۔پکھیاں تے جانوراں دیاں خصوصیات ݙسائیاں ویندین اَتے وسیب بارے جانکاری ݙتی ویندی ہے ۔ انہاں کہاݨیاں دا مرکزی کردار بزرگ خواتین ہوندن۔ ایہ ٻہو ںاہم کردار ہوندن کیوںجو گھر وچ نانیاں ‘ ݙاݙیاں کوں بزرگ دی حیثیت نال فوقیت ݙتی ویندی ہے اَتے ٻال انہاں دی ڳالھ توجہ نال سُݨدن ۔ شعوری تے لاشعوری طور تے انہاں کہاݨیاں وچ بزرگاں دی عزت کرݨ دا درس ݙتا ویندے۔

حوالہ

سرائیکی لوک قصیاں دے کردار، مصنف : شہزاد اسد خان لغاری ، ناشر: جھوک پرنٹرز ملتان