ٻاگھی

ٻاگھی سرائیکی لوک سرائیکی شاعری دی ہک ایجھی صنف ہے جیڑھی ہُݨ منڈھوں مُک ڳئی ہے ۔ اڳلے ویلے دیاں کجھ ٻاگھیاں اَڄݨ وی پُراݨے ویلے دی فقیر وستیاں وچ آہدے ودن ’’ٻاگھی ٻولے ۔ طوطا  ٻولے ‘‘ آکھ تے ٻاگھی شروع کیتی ویندی ہے۔

ٻاگھی

ٻاگھی تے میں دھاوݨ ڳیوسے لُنڈے پِپَل ہیٹھ

لُنڈا پِپَل ڈھے پیا تے ٻاگھی آڳئی ہیٹھ

اَڳُوں لُنڈی کان٘وݨی تے پِچھوں لُنڈا کاں

شاہ غُلیلی ماریا،راوی تے چَنہاں

چِڑی پکایاں روٹیاں،چَنڈُوری کِھرکی چھاہ

اُٹھی وے جلیل خان،میݙی روٹی کھا

نہ میں تیݙی روٹی کھاندا،نہ میں تیݙی چھاہ

چور مَنجھِیں کَپی وَیندا اِی چابھک لَڑا

چابھک میݙا پَٹ دا تے تھی ڳیا فناہ

نِکے نِکے تُکلے تے وَݙے وَݙے تِیر

بُھوری بھیݙ دا وَݙا چَݙا

آلِیاں بَھن٘والیاں،جِیوِن میݙیاں سالیاں

سالیاں کَتا نِکا سُتر، جِیوے میݙا عیسیٰ پُتر

عیسے چائی مُنگری،خمیسے چایا کَھلا

ہولیں ہولیں مار مَتاں نِکل پووِس تَلا

حوالے

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان