ٻالیں دے نفسیاتی مسائل

قسور عباس ( ماہر نفسیات ):

قسط نمبر 1

( بالیں دے نفسیاتی مسائل)

موجودہ دور اچ بالیں وچ نفسیاتی مسائل ودھدے ویندن تے ہوندی سب توں وڈی وجہ والدین دا اپݨیں بالیں کنوں بے نیاز تھیوݨ اے . والدین کوں چاہی دا ہے جو او اپݨیں بالیں کوں وقت ڈیون تاکہ انہاں کوں اپݨیں بالیں نال جڑے مسائل کنوں آگاہی ملے. بال نہایت ہی معصوم مخلوق اے . تاں میڈی ہنیں دے پیو ماء کوں اے صلاح ہے جو اوو اپݨیں بالیں دی پروہ کرݨ تے ہنیں پھلیں کوں پھلݨ پھولݨ وچ مدد کرݨ. تاکہ ہنیں کوں معاشرے دی مفید شخصیت بݨاون . اویں تاں بالیں دے بہوں سارے نفسیاتی مسئلے ہن انہاں وچوں چند اہم تلے درج ہن .

1.سکول دا ڈر 2.پڑھݨ ، لکھݨ دی صلاحیت وچ کمی 3. ہکلاوݨ 4.نہوں چباوݨ 5.عجیب و غریب حرکتاں ( منہ

6.کھبا ہتھ استعمال کرݨ 7. انگوٹھا چوسݨ

سکول دا ڈر

ڈوجھی قسط وچ اساں بالیں دے سکول کنوں ڈر جئیں اہم مسئلے تے گال کریندے ہوئیں پیو تے ماء کوں اے ڈساونر چاہندے ہیں جو اوو اپݨیں بالیں کوں سکول دی عمر وچ سکول بھیجن جہڑی جو ماہرین نفسیات دے مطابق 5 تو 7 سال ہے. 1 توں 5 سال دی عمر وچ بال اپݨیں پیو ماء بھیڑیں تے ہم عمریں کنوں ہک طرح دا علم حاصل کریندا پیا ہوندے جہڑا جو بال دی شخصیت دا خاص حصہ بݨدے . اے مرض بالیں وچ تھیوݨ دیاں بہوں ساریاں وجوھات ہن چند اہم تلے درج کریندا پیاں .

●کتابیں دا خوف

● شرارتی بالیں دیاں حرکتاں

●سکول دا نا سازگار ماحول

● استادیں دا جارہانہ رویہ

● کم عمری

انہاں وجوہات دی بناں تے بال وچ سکول دا خوف پیدا تھیندے . تے بال سکول نہ ونجن واسطے طرح طرح دے بہانے بݨیندے مثلا میڈے ہݨوں وچ درد اے ، میڈے پیٹ وچ درد اے .

اگر والدین ایں معاملے وچ سختی کرݨ تاں ہوندے نتائج سنگین نکل سگدن یا اسلوں نرمی کرݨ تاں بال خراب تھی ویسن . تاں درمیانی راستہ اختیار کریندے ہوئیں درج گالہیں تے عمل کرݨاں پوسی .

1۔ سکول دی خاص عمر وچ بالیں کوں سکول بھیجن .

2. سکول دے اساتذہ نال رابطے وچ راہون .

3. بالیں دے دوست بݨین تاکہ انہاں کوں بال دے مسئلیاں دا پتہ چلے .

4.مسئلے دی صورت وچ انہاں کوں اعتماد وچ گھنن .

استاداں دا کردار

اساتذہ دا وی ہئیں مسئلے وچ اہم رول ہے. انہاں کو وی اے چاہی دا ہے جو

● اپݨاں جارہا نہ رویہ ختم کرݨ

● تے بالیں کوں پیار محبت کرن تے دوست بݨ کے پڑھاون .

● سکول دا ماحول سازگار بݨاون

● بالیں دی ڈیکھ بھال کرن

● تے دوستانہ اصلاحی ماحول پیدا کرن

پڑھڑن, لکھنڑ دی صلاحیت وچ کمی

ہئیں مرض کوں Dyslexia آہدن. Dys دا مطلب آؤکھ تے lexia دا مطلب پڑھن تاں ہیندا پورا مطلب ہے پڑھنڑ، لکھنڑ دے وچ آؤکھ ٠ سب توں پہلے ایں لفظ دا تعارف اکھیاں دے ماہر سئیں آر برلن نے 1884 وچ کر وائے ٠اے مرض ٻال کوں 6 توں 8 سال دی عمر وچ تھیندی اے ٠ہک تحقیق دے مطابق اے مرض دماغ دے سجے یا کھٻے حصے وچ نقص دی وجہ کنوں تھیندی اے ٠مارچ 2005 وچ ویلز کالج آف میڈیسن دے ماہرین نے ہئیں بیماری دا جین دریافت کیتا جیندا ناں MiAA0319 ہے ٠.

( کجھ اہم علامتاں )

1۔ بال پنسل نئیں پکڑ سگدا 2۔بال دا خط چنگا کینی ہوندا

3۔لفظ پورا نئیں لکھ سگدا

4۔تحریر وچ لفظ و ڈے چھوٹے لکھدے

5۔لفظ ہوں پڑھن وچ غلطی کریندے مثال دے طور تے u کوں n تے b کوں d پڑھدے تے لکھدے .

6 ۔مہینے / ڈنہواریں دے ناں ترتیب نال یاد نی کر سگدا .

7- t کوں نئیں پڑھدا یعنی train کوں rain پڑھدے تے لکھنے.

8.اے بال یاد تاں جلدی کر گھندن لیکن لکھ نئیں سگدے .

اے بیماری پیو تے ماء کنوں بالیں کوں منتقل تھیونڑ دے 50% چانسز ہن .

( ڈس لیکسیا دے مریض کیا سوچیندن تے آکھدن )

● او آہدن جو اساں سست کینی - ● پڑھڑن لکھنڑ وچ ساکوں بورنگ تھیندی اے

● ساکوں کوئی لفظ زیادہ دیر تک یاد نئیں رہندا .

♤ ماہرین آمدن جو اے مرض بالیں کوں concentration دی خرابی ، anxiety , over thinking تے کنفیوژن دی وجہ پنوں تھیندی اے .