ٻالیں دی مشقت

اسیݙے ویلے ٻالیں  کوں  کھیݙݨ دے ڈھیر موقعے ملدے ہن پر ہک ڳال اے وی ہئی جو وستی دے لوکیں  دی اعلیٰ تعلیم تے توجہ نہ ہئی۔ ٻال جیویں  سنبھل واݨ ء ِچ امدے ہن انہاں  توں  رڑھ وہی ،مال چراوݨ، مل تے کم کراوݨ یا ول محنت مزدوری آلے پاسے لا ݙیندے ہن ، میں  خود وی نِکے لا توں  کم کرݨ شروع کیتے تے ہُݨ تئیں  کریندا پیاں ۔ جیکر اعلیٰ تعلیم حاصل کراون ہا تاں  اڄ دھریجہ نگر وستی دے ٻال افسر ہوون ہا۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان