ٹیوب ویل

ٹیوب ویل سرائیکی وسیب دی زراعت پاݨی دا ہک وݙا ذریعہ ہے۔ اڄ کل تھوڑی جہی بارش تے نہراں دے پاݨی دی کمی دی وجہ کنوں ٹیوب ویل دی اہمیت ٻہوں ودھ ڳئی ہے۔ ٹیوب ویل ہک اینجھی مشین ہے جیہڑی زمین دے تلوں پاݨی کڈھدی ہے۔ زمین دے تلے پاݨی دی تہہ توں پمپ دے ذریعے پاݨی کڈھیا ویندے۔

Diagram of a tube well.

ٹیوب ویل دے قسماں

ڈیزل ٹیوب ویل

• ڈیزل انجن نال چلدے
• سرائیکی وسیب وچ ٻہوں زیادہ استعمال تھیندے
• بجلی نہ ہووݨ دی صورت وچ چل سڳدے
• مہنگا ہے ڈیزل دی قیمت زیادہ ہووݨ دے سبب

الیکٹرک ٹیوب ویل

• بجلی نال چلدی ہے
• چلاوݨ وچ سستی ہے
• بجلی دی لوڑھ پوندی ہے
• لوڈ شیڈنگ دے مسئلے ہن

سولر ٹیوب ویل

• سورج دی روشنی نال چلدے
• مہنگی انسٹالیشن پر چلاوݨ وچ سستی
• سرائیکی وسیب کیتے بہترین ہے
• مہینگے ڈیزل توں چھٹکارا ہے

ٹیوب ویل دے اہم حصے

Digging a borewell in Kerala, India

موٹر/انجن

• اے ٹیوب ویل دا مرکزی حصہ ہے۔
• اے بجلی یا ڈیزل نال چلدے۔
• پمپ کوں پاور ݙیندے۔
• سرائیکی وسیب وچ ڈیزل انجن ٻہوں مشہور ہن

پمپ

• پمپ زمین دے تلوں پاݨی کڈھدا ہے۔
• زیادہ تر سبمرسبل پمپ استعمال تھیندے۔
• پمپ پاݨی کوں دٻاء نال اُتے کڈھدا ہے.

پائپ/ٹیوب

• کیسنگ پائپ: ہک وݙا پائپ جیہڑا زمین وچ لایا ویندے۔
• فلٹرز سکرین: کیسنگ پائپ دے تلے لڳدی ہے، پاݨی تاں گذرے پر ریت مٹی نہیں گذر سڳدی.
• رائزر پائپ: پمپ توں پاݨی کوں اُتے چڑھیندا ہے۔

پینل

• بجلی کوں کنٹرول کریندے
• موٹر کوں چلاؤݨ بند کرݨ کیتے
• وولٹیج کوں کنٹرول کرݨ کیتے

واٹر فلو میٹر

• پاݨی دی مقدار ناپݨ کیتے
• ݙسیندے کہ کتنا پاݨی کڈھیا ڳئے

بیسن/ٹینک

• کڈھے ڳئے پاݨی کوں ذخیرہ کرݨ کیتے
• پاݨی کوں کھیہ تکر پُڄاوݨ کیتے

انسٹالیشن

انسٹالیشن دے مرحلے

پہلا مرحلا: جائزہ گھنݨ

• زمین دے تلے پاݨی دی سطح ݙیکھݨ
• زمین دی قسم دا جائزہ گھنݨ
• پاݨی دے معیار دی جانچ کرݨ

ݙوجھا مرحلا: ڈرلنگ

• زمین وچ سوراخ کیتا ویندے
• عام طور تے 100 کنوں 300 فٹ تک ڈرل کیتا ویندے لیکن سوسائٹیاں اچ 700 فٹ تک کیتا ویندے
• کیسنگ پائپ لایا ویندے

تریجھا مرحلا: پمپ لاوݨ

• پمپ تے موٹر انسٹال کیتی ویندی ہے
• پائپ لائے ویندن
• بجلی یا ڈیزل کنکشن ݙتا ویندے

چوتھا مرحلا: ٹیسٹنگ

• پاݨی کڈھ کے تے معیار ݙٹھا ویندے
• پمپ دی کارکردگی چیک کیتی ویندی ہے
• پاݨی دے فلو کوں ݙٹھا ویندے

طریقہ کار

1. پہلے زمین وچ سوراخ کیتا ویندے

2. کیسنگ پائپ اتے فلٹر سکرین لائی ویندی ہے

3. پمپ تے انجݨ موٹر لائی ویندی ہے

4. جیہڑیلے موٹر چلدی ہے، پمپ پاݨی کڈھدا ہے

5. پاݨی رائزر پائپ دے ذریعے اُتے چڑھدے

6. پاݨی بیسن وچ ذخیرہ تھیندے

7. پاݨی نہراں یا پائپاں دے ذریعے کھیتاں تک پُڄدے

سرائیکی وسیب کیتے اہمیت

Tube wells are a common source of bottled drinking water in some countries, such as Sri Lanka

سرائیکی وسیب وچ ٹیوب ویل دی ٻہوں اہمیت ہے:

• نہراں دے پاݨی دی کمی: جیہڑلے نہراں وچ پاݨی نی ہوندا، ٹیوب ویل کھیتاں کوں پاݨی ݙیندے
• فصلاں دی حفاظت: وقت تے پاݨی ملݨ نال فصلاں دی حفاظت تھیندی ہے
• گھریلو استعمال: گھراں اچ پاݨی دی ضرورت پوری کرݨ دے کم وی آندے

مسائل تے حل

پاݨی دی سطح گھٹ تھیوݨ

• ٻہوں سارے ٹیوب ویل ہووݨ دے سبب پاݨی دی سطح تلے ویندی پئی ہے۔ کجھ علاقیاں وچ پاݨی 500-600 فٹ تلے ہے۔

پاݨی وچ نمک دی مقدار

• کجھ علاقیاں دا پاݨی کھارا ہے
• اے فصلاں کیتے نقصان دہ ہے
• زمین دی زرخیزی تے اثر انداز اے۔

بجلی دے مسئلے

• لوڈ شیڈنگ دا مسئلہ
• بجلی دے ٻل مہنگے
• الیکٹرک موٹراں دا سڑنا

ٹیوب ویل دی ݙیکھ بھال

روزانہ دی ݙیکھ بھال

• انجݨ یا موٹر دی صفائی
• انجݨ آئل دی جانچ
• پائپاں دی جانچ

ماہانہ ݙیکھ بھال

• پمپ دی کارکردگی دی جانچ
• بجلی دے کنکشن دی جانچ
• پاݨی دے فلو دی جانچ

سالانہ ݙیکھ بھال

• پمپ کوں باہر کڈھ تے صفائی
• پائپاں دی مکمل جانچ
• موٹر یا انجݨ دی مرمت

مسائل

· بجلی دی کمی

· ڈیزل دا مہنگے ہووݨ

· زمین دے تلے پاݨی دی سطح گھٹ تھیوݨ

· پمپ خراب تھیوݨ

مسائل دا حل

· سولر انرجی نال چلݨ والے ٹیوب ویل

· واٹر لیول میٹر نال نگرانی

· باقاعدہ مرمت تے ݙیکھ بھال

· ڈرپ ایریگیشن نال پاݨی دی بچت

. کم پاݨی آلی فصلاں کاشت کرݨ

. حکومت ولوں سولر ٹیوب ویل تے سبسڈی

ٹیوب ویل ساݙی زراعت دا ہک لازمی حصہ بݨ ڳئے۔ پر ساکوں اینکوں سمجھݨ تے اینجھے طریقے نال استعمال کرݨ دی لوڑھ ہے کہ زمین دے تلے پاݨی دی سطح محفوظ رہوے تے ساݙے آئندہ نسلاں اینکوں استعمال کر سڳن۔