ٹیا باجپائی

ٹیا باجپائی (پیدائشی ناں- ٹوئنکل باجپائی) ہک بھارتی گلوکارہ، ٹیلی ویژن تے فلمی اداکارہ ہِن۔ انّھاں نے 2011 وچ وکرم بھٹ دی فلم ہنٹیڈ - 3 ڈی توں فلمی حیاتی دی شروعات کِیتی۔ ایول ریٹرنز تے بانکی دی پاگل باراتیں وچ وی شامل تِھئیاں۔ انّھاں نے سا رے گا ما پا چیلنج 2005 وچ وی حصہ گِھدا۔

کیریئر

ٹیا باجپائی دی سحر انگیز مسکراہٹ بہت زیادہ پسند کِیتی ویندی ہِے۔ انّھاں نے 2011 وچ وکرم بھٹ دی ہارر تھرلر ہنٹنگ تھری ڈی توں اپݨی فلم تے گلوکاری دا آغاز کِیتا جیڑھی وچ انّھاں دے نال شریک اداکار مہاکشے چکرورتی ہَن۔ انّھاں نے میرا سبروال دا کردار پیش کِیتا ہئی جیڑھی تے اُنّھاں دی پیانو ٹیچر (عارف زکریا نے ادا کِیتا ہئی) نے تشدد کِیتا ہئی۔ بالی ووڈ ہنگامہ دے ترن آدرش نے اِیں فلم کوں 5 وچوں 3.5 دی درجہ بندی تے رکھیا۔

2012 وچ ٹیا باجپائی وکرم بھٹ دی ہارر تھرلر 1920: دی ایول ریٹرنز وچ آفتاب شیوداسنی دے مقابل نظر آئیاں۔ اِیں فلم نے تجارتی لحاظ نال کامیابی حاصل کِیتی۔

2012 وچ ٹیا باجپائی نے اپݨا پہلا بین الاقوامی سولو البم "اپ گریڈ" جاری کِیتا۔ البم دے میوزک ویڈیوز یوٹیوب تے جاری کِیتے ڳئے۔ البم دا "بون ایپیٹائٹ" ناں دا گانا 23 مئی کوں جاری کِیتا ڳیا ہئی تے اِیں وچ بھارت دا پہلا تھری ڈی اینیمیشن ویڈیو پیش کِیتا ڳیا ہِے تے اِیں کوں یوٹیوب تے ہک ملین توں زیادہ ویوز مِلے۔ اِیں کوں اپݨے البم وچ ٹیا بی دے ناں نال موسوم کِیتا ڳیا۔